२ किशोरी हत्याको अनुसन्धान गर्न अछाम पुग्यो सीआईबी
नेपाल क्लिक्स
मंगलसेन- अछामको ढकारी गाउँपालिका-१ स्थित जंगलमा मृत भेटिएका दुई किशोरीको अनुसन्धानका लागि नेपाल प्रहरीको केन्द्रीय अनुसन्धान ब्युरोको टोली अछाम पुगेको छ।
माघ १२ गते शनिबार १५ वर्षीय ईश्वरा खड्का र १४ वर्षीया सरस्वती खड्काको शव बीभत्स अवस्थामा भेटिएपछि सीआईबी टोली घटनास्थल पुगेको हो।
अघिल्लो दिन बाख्रा चराउनका लागि जंगल गएका दुवै किशोरी भोलिपल्ट मृत अवस्थामा भेटिएका थिए।
शवको प्रकृति हेर्दा हत्या भएको आशंकामा प्रहरीले अनुसन्धान अघि बढाएको छ। सीआईबीको इन्स्पेक्टर नेतृत्वको टोलीले घटनास्थलमा पुगेर अनुसन्धान थालेको हो।
घटना अनुसन्धान गर्न सुदूरपश्चिम प्रदेश प्रहरी कार्यालय र नेपाल प्रहरी प्रदेश कार्यालय महेन्द्रनगरबाट पनि छुट्टाछुट्टै टिम परिचालन गरिएको छ। अछाम प्रहरीले पनि घटनाको अनुसन्धान गरिरहेको छ।
घटनामा संलग्न भएको आशंकामा दुई जना पक्राउ परेका छन्। अछामका डीएसपी ईश्वरी भण्डारीका अनुसार पक्राउ परेकाहरूको उमेर २० वर्षभन्दा कम छ।
दुवै जनाको टाउकोमा चोट देखिएको छ। भेरी अस्पतालमा पोष्टमार्टम पछि परिवारले शव बुझेका छन्।
किशोरीहरुको भजाइनल स्वाब, रगत र भिसेरा परीक्षणको लागि केन्द्रीय विधिविज्ञान प्रयोगशालामा पठाइएको डीएसपी भण्डारीले जानकारी दिए।
आन्दोलनरत चिकित्सक र सरकारबीच ५ बुँदे सहमति
सुनसरीमा भएको घटनाका सम्बन्धमा छानबिन गर्न गठित समितिमा दुई सदस्य थप
५ बुँदे मागसहित लघुवित्त पीडितहरू दुई दिनदेखि आमरण अनसनमा
९ वटा विधेयक संसद्मा पेस गर्न स्वीकृति दिने मन्त्रिपरिषद्को निर्णय, कुन–कुन?
बैंकिङ कसुर मुद्दामा प्रभु बैंककी प्रमुख व्यवसाय अधिकृत रश्मी पन्त पक्राउ
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
