लाेकतन्त्रकाे विकल्प खाेज्नु भनेको मुलुकलाई संकटमा धकेल्ने काम हाे : गृहमन्त्री लेखक

काठमाडौँ- गृहमन्त्री रमेश लेखकले लाेकतन्त्रकाे विकल्प नभएको बताएका छन्। शनिबार काठमाडौँमा आयाेजित सुदूरपश्चिम कानुन समाजकाे प्रथम अधिवेशनमा गृहमन्त्री लेखकले लाेकतन्त्रकाे विकल्प लाेकतन्त्र मात्रै हुने बताएका हुन्।

‘अहिलेकाे संविधानले लाेकतन्त्रलाई सुनिश्चित गरेकाे छ। यसकाे विकल्प खाेज्ने भनेकाे मुलुकलाई संकटमा धकेल्ने काम हाे। त्यसैले सबै ठाउँबाट संविधानमाथि हुने आक्रमणकाे डटेर सामना गर्नुपर्छ ,’ उनले भने।

लाेकतन्त्रकाे रक्षा, संविधानकाे सुरक्षा र समावेशिताकाे सुदृढीकरण आजको आवश्यकता भएको गृहमन्त्री लेखकले उल्लेख गरे।

१० वर्षमा संविधानकाे अभ्यास गर्दा देखिएका सबल र दुर्बल पक्षकाे विश्लेषण गरी संविधान संशोधनकाे तयारी भइरहेको उनको भनाइ ५। संविधान संशोधन गर्दा संसदीय सर्वोच्चताकाे कुरा गर्नुपर्ने गृहमन्त्री लेखकले आवश्यकता औंल्याए।

कानुन र नीतिगत सुधार सरकारका प्राथमिकता भएको उनको भनाइ छ । राज्यका सबै अंगमा सुदूरपश्चिमकाे उचित प्रतिनिधित्व गराउन आफूहरू लागिपरेकाे उनको भनाइ छ।