‘नो केबलकार’मा कांग्रेस सहमत नहुने, अध्यादेशबारे प्रधानमन्त्रीसँग छलफल गर्ने
नेपाल क्लिक्स
काठमाडौँ- सत्तासाझेदार दल नेपाली कांग्रेसले अध्यादेशका विषयमा प्रधानमन्त्री केपी शर्मा ओलीसँग छलफल गर्ने भएको छ।
शुक्रबार सभापति शेरबहादुर देउवा निवासमा बसेको कांग्रेस शीर्ष नेताको बैठकमा यो विषया छलफल भएको कांग्रेस प्रमुख सचेतक श्याम घिमिरेले जानकारी दिए।
‘अध्यादेशबारे प्रधानमन्त्री केपी शर्मा ओलीसँग छलफल गर्ने कुराकानी भएको छ। प्रधानमन्त्रीसँग छलफल गरी निष्कर्षमा पुगिने छ,’ सचेतक घिमिरेले भने।
सरकारले ल्याएका ६ वटा अध्यादेश संसदमा दर्ता भएपनि निर्णयार्थ पेस भएका छैनन्। राष्ट्रिय सभामा सत्तारुढहरूले बहुमत पुर्याउन नसक्दा संसदमा अध्यादेशहरू रोकिएका छन्।
भूमिबाहेकका अध्यादेशमा जसपा नेपाल सहमत भएको तर भूमि अध्यादेशमा सहयोग गर्न नसकिने उसले प्रस्ट पारेको छ। भूमि अध्यादेश पारित गराउन लागे आन्दोलन गर्ने जसपा नेपालका अध्यक्ष उपेन्द्र यादवले बताएका छन्।
यस्तै ताप्लेजुङ पाथीभरामा केवलकार बनाउन नहुने मागका विषयमा पनि कुराकानी भएको घिमिरेले बताए। तर केवलकार बनाउने काम रोक्ने पक्षमा कांग्रेस नरहेको उनको भनाइ थियो।
‘नो केबलकारमा कांग्रेस सहमत हुन सक्दैन,’ उनले भने, ‘पाथीभरा केवलकारका विषयमा वार्ता गर्ने र निष्कर्षमा नपुगुन्जेललाई स्थगित गर्ने पक्षमा छौँ। वार्ता र सम्बोधनका लागि कांग्रेस तयार छ।’
यस्तै निर्वाचन विधेयकलगायत ल्याउने विधेयक निर्माणको गतिलाई तीव्रता दिने विषयमा पनि छलफल भएको कांग्रेको भनाइ छ।
सरकारको कार्यशैलीमाथि गगन थापाले उठाए प्रश्नै प्रश्न
सरकारले गर्यो एनप्याब्सन निलम्बन, संगठनका गतिविधिमा रोक
कांग्रेसको नयाँ कार्यसमितिले आजदेखि जिम्मेवारी सम्हाल्ने
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
