माओवादीको तराई-मधेस जागरण अभियान आज सर्लाही पुग्ने
नेपाल क्लिक्स
सर्लाही – नेकपा माओवादी केन्द्रको तराई–मधेस यात्रा आज सर्लाही पुग्दै छ।
अभियानअन्तर्गत पार्टी अध्यक्ष पुष्पकमल दाहाल ‘प्रचण्ड’ सहितको टोली आज महोत्तरीको कार्यक्रम सकेर सर्लाहीतर्फ प्रस्थान गर्ने भएको हो।
अध्यक्ष प्रचण्ड नेतृत्वको टोली आज साँझसम्म महोत्तरीको अभियान समापन गरी हुलाकी राजमार्ग हुँदै सर्लाहीको पर्सा गाउँपालिकाको एक गाउँमा बास बस्नेछ। त्यसपछि फागुन २३ गते बिहान मलङ्गवा नगरपालिकास्थित कवडहलमा आयोजित भव्य समारोहलाई सम्बोधन गर्ने कार्यक्रम रहेको जनाइएको छ।
टोली कौडेना गाउँपालिका, गोडैता नगरपालिका, विष्णु गाउँपालिका, बलरा नगरपालिका, रामनगर गाउँपालिका हुँदै धनकौलतर्फ अघि बढ्नेछ। त्यहाँबाट बागमती नदी पुल पार गरी समनपुर हुँदै रौतहट प्रवेश गर्ने कार्यक्रम छ।
यस ऐतिहासिक अभियानलाई सफल बनाउन पार्टीका स्थानीय नेता, कार्यकर्ता, समर्थक तथा शुभेच्छुकहरूलाई सहभागिताका लागि पार्टीले विशेष आग्रह गरेको छ।
पार्टीले यस अभियानलाई संगठन सुदृढीकरण, जनसमर्थन अभिवृद्धि तथा तराई–मधेसका नागरिकहरूसँग प्रत्यक्ष संवादको अवसरका रूपमा लिएको छ।
नेकपा माओवादी केन्द्रले फागुन १२ गतेदेखि मधेशका हुलाकी राजमार्गकेन्द्रित क्षेत्रमा अभियान चलाइरहेको छ।
सरकारको कार्यशैलीमाथि गगन थापाले उठाए प्रश्नै प्रश्न
सरकारले गर्यो एनप्याब्सन निलम्बन, संगठनका गतिविधिमा रोक
कांग्रेसको नयाँ कार्यसमितिले आजदेखि जिम्मेवारी सम्हाल्ने
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
