एक सातापछि मात्र सरकारको कानमा पुग्यो हुम्लाकाे बाढी
नेपाल क्लिक्स
काठमाडौँ- हिमताल फुटेको आएकाे बाढीपहिरोबाट पीडितका लागि राहत सामग्री पठाउन एक साता लागेको छ।
एक हप्तापछि सरकारले तिलगाउँमा जोखिममा परेका व्यक्तिहरूका लागि राहत सामग्री पठाएकाे हो।
हुम्लाका प्रमुख जिल्ला अधिकारी नारायण पाण्डेयले जिल्ला विपद् व्यवस्थापन समितिबाट चामल लगायतका राहत सामग्रीहरु पठाइएकाे जानकारी दिए।
१० क्वीन्टल चामल, १०० लिटर तिल, दुई क्वीन्टल नुन, दुई क्वीन्टल नै चिनी, ३० क्वीन्टल मैदा, १/१ क्वीन्टल भुजा, चिउरा, १० पाेकेट चिया पठाइएकाे छ। यस्तै आलु, सागसब्जी, साबुनदेखि औषधीहरु पठाइएको उनले बताए।
चारवटा त्रिपाल र १० बाेरा सिमेन्ट पनि पठाइएको छ। ‘सिमीकाेटबाट हामीले गाडीमा सामान पठाएकाे हाे, सामान पुगिसकेकाे छ ,’ उनले भने।
बाढीपहिराेले बिजुली बत्ती, खानेपानी, सिँचाइ, पुलपुलेसा लगायत सार्वजनिक पूर्वाधारमा क्षति पुर्याएको थियाे।
राष्ट्रिय विपद् जाेखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत दिनेश भट्टले राहत सामग्रीका साथै विज्ञकाे टाेली हुम्ला पठाइएकाे बताए।
उनका अनुसार घटनाकाे अध्ययनका लागि वरिष्ठ डिभिजन इन्जिनियर सुशील कुमार श्रेष्ठ, भूगर्भविद् शिव प्रसाद बास्ताेला, माैसमविद् साैहाद्र जाेशीसहित विपद् प्राधिकरणकाे टाेली हुम्ला पठाइएकाे छ।
जेठ १ गते मध्यराति गाउँनजिकैको खोलामा बाढी आएर गहिरो बनाएकाले नजिकैको बस्ती पहिरोको जोखिममा परेको छ।
बाढी आएको एक सातापछि मात्र सरकारले राहत दिएर टोली खटाएो हो। त्यहाँका १८ घरपरिवार बाढी र पहिरोको जोखिममा छन्।
सिटिजन्स बैंकले सरकारलाई बुझायो २ अर्ब १० करोड कर
रौतहटका तीन अलपत्र आयोजनाको ठेक्का तोडियो, नयाँ प्रक्रियाबाट काम अघि बढाइने
सरकारको कार्यशैलीमाथि गगन थापाले उठाए प्रश्नै प्रश्न
मंसिर १७ देखि काठमाडौंमा नेपाल अन्तर्राष्ट्रिय व्यापार मेला आयोजना हुने
ऋणको माग सुस्त हुँदा पनि बैंकहरूको नाफा कसरी बढ्यो ४५ प्रतिशत?
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
