ओम मेगाश्री फर्मास्युटिकल्सले पायो डब्ल्यूएचओ जीएमपी, बजारमा बलियो उपस्थिति बनाउने

काठमाडौं। निजी क्षेत्रबाट सञ्चालित ओम मेगाश्री फर्मास्युटिकल्स लिमिटेडले विश्व स्वास्थ्य संगठनको असल उत्पादन अभ्यास (डब्ल्यूएचओ जीएमपी) इजाजत (लाइसेन्स) प्राप्त गरेको छ।उद्योगले यही साउन २२ मा डब्ल्यूएचओ जीएमपी लाइसेन्स पाएको हो।

लाइसेन्स प्राप्तीबाट ओम मेगाश्रीका औषधिहरूको गुणस्तर प्रति विश्वास बढ्ने, बजारमा उद्योगका औषधिको प्रतिष्ठा र ब्राण्ड मूल्य बढ्ने सरकारी बोलपत्र (टेन्डर) तथा संस्थागत बिक्रीको अवसर बढ्ने उद्योगको भनाई छ।

भविष्यमा विदेशमा औषधि निर्यात गर्ने आधार बलियो हुने विश्वास ओम मेगाश्रीको छ। यस्तै विदेशी कम्पनीहरुसँग सहकार्य तथा लाइसेन्सिडको अवसर बढ्ने र उत्पादन क्षमताको राम्रो उपयोग गरी बिक्री, नाफा तथा कम्पनीको मूल्यांकन बढाउन सहयोग पुर्याउने जानकारी उद्योगले दिएको छ।

आइ एण्ड इयर ड्रप र भेट उत्पादन विस्तारका साथै कम्पनीको वृद्धि एवम विकासका निम्ति आवश्यक योजना र नोक उचित कार्यान्वय प्रक्रिया अगाडि बढाएको कम्पनीले जानकारी दिएका छन्।

बजारमा बलियो उस्थिती देखाउन ओम मेगाश्रीले रोयल फर्मास्युटिकल्सलाई एक्वायर गर्दै

विगतका अनुभवका आधारमा औषधीको बजारीकरण व्यवस्थापनमा विशेष ध्यान दिई अग्रगामी रूपमा संस्थालाई अगाडि बढाएको उद्योगले जानकारी दिएको छ।
जसको कारणले गर्दा संस्थाको व्यवस्थापकीय तथा वित्तीय व्यवस्थापनमा उल्लेखनीय सुधार हुने आशा गरिएको छ।

रोयल फर्मास्युटिकल्सलाई एक्वायर गर्दै

उत्पादन क्षमता बढाएर बजारमा झनै बलियो उपस्थिति बनाउन दुई औषधी उद्योग एक अर्कामा समाहित (एक्वाएर) मा जाने भएका छन्।

ओम मेगाश्री नेप्सेमा सूचिकृत हुने मुलुककै पहिलो औषधि उद्योग हो। रोयल फार्मास्युटिकल्सलाई एक्वायर गर्ने विषयमा सैदान्तिक सहमति भएको ओम मेगाश्रीका अध्यक्ष अर्जुनकुमार श्रेष्ठले नेपाल क्लिक्सलाई बताएका छन्।

दुबै उद्योगको सम्पत्ति र दायित्व मूल्यांकन (डीडीए) सकिएपछि एक्वाएर हुने भएको छ। डीडीएपछि दुबै उद्योगको सेयर अनुपात (स्वाप रेसियो)तय हुनेछ।

हाल रोयलको कूल पुँजी ५६ करोड ४० लाख रुपैयाँ छ। यस्तै ओम मेगाश्रीको चुक्ता पुँजी ६० करोड रुपैयाँ छ।

रोयल नारायणगढमा र ओम मेगाश्री चितवकै जुगेडीमा रहेको छ। ओम मेगाश्री उत्पादन क्षमता विस्तारको क्रममा रहेको र सबै औषधी एउटै प्लान्टबाट उत्पादन गर्न नपाइने भएकाले फरक फरक एरियामा हुनुपर्ने व्यस्थाअनुसार रोयललाई एक्वाएर गर्न लागेको उनले स्पष्ट पारेका छन्।

नयाँ भवन र प्लान्ट स्थापना गर्न पाँच वर्षसम्म लाग्न सक्ने भएकाले प्राप्ति गर्न सहज हुने देखिएको छ।

‘रोयल र ओम मेगाश्रीको औषधी उत्पादन एउटै किसिमको भएकाले उसको बजार र हाम्रो जोड्दा बजार बढ्ने छ। रोयलसँग भएको ४४ वटा उत्पादन ओम मेगाश्रीसँग छैन्। त्यसैले उक्त कारखानाबाट नयाँ औषधी उत्पादन गर्न पाइने भएकाले एक्वाएरमा जान लागेको बताइएको छ।

२१ करोडको औषधी व्यापार

ओम मेगाश्रीले गत आर्थिक वर्षमा २१ करोड रुपैयाँ बढीको औषधी कारोबार गरेको छ। उद्योगको व्यापार बढे पनि गत आर्थिक वर्षमा उद्योग ३ करोड ७७ लाख रुपैयाँ नोक्सानमा रहेको सार्वजनिक वित्तीय विवरण उल्लेख छ। प्रति सेयर आम्दानी (ईपीएस) ६.२९ र नेटवर्थ ९८ रुपैयाँ ऋणात्मक छ।