म्याक्स टाइकरको दशैँ धमाका: ९ जनाले जिते मोटरसाइकल र स्कुटर, कार कसले जित्ला?

काठमाडौँ: म्याक्स टाइगर इनर्जी ड्रिङ्कसको ‘एनर्जाइज्ड दशैं धमाका २०२६’ अभियानअन्तर्गत हालसम्म नौ जना उपभोक्ताले मोटरसाइकल तथा स्कुटर जितेका छन्। देशका विभिन्न सहरका उपभोक्ता विजेता बनेसँगै कम्पनीको पुरस्कार अभियानले थप उत्साह बढाएको छ।

अभियानअन्तर्गत सुर्खेतका किशोर जंग शाहले यामाहा रे जेडआर स्कुटर जितेका छन्। बनेपाका राजकुमार तामाङ र धादिङका सञ्जोग रिमालले यामाहा एफजेड एफआई मोटरसाइकल हात पारेका छन्। त्यस्तै, बुटवलका नरबहादुर फौगाडले स्कुटर र धनगढीका मोहन श्रेष्ठले मोटरसाइकल जितेका छन्।

पछिल्लो चरणमा सार्वजनिक भएका चार विजेतामध्ये जनकपुरका कौटल्य कुमार सिंह र बिर्तामोडका तेज नारायण सिंहले यामाहा एफजेड एफआई मोटरसाइकल जितेका छन्। धरानका मनोज कुमार अधिकारी र वीरगञ्जका रमेश बस्नेतले भने यामाहा रे जेडआर स्कुटर जितेका छन्।

कम्पनीका अनुसार यस अभियानमा १८ वटा यामाहा एफजेड एफआई मोटरसाइकल र १८ वटा यामाहा रे जेडआर स्कुटर पुरस्कारका रूपमा राखिएका छन्। त्यस्तै, बम्पर पुरस्कारमा एक जना भाग्यशाली उपभोक्ताले प्रोटोन कार जित्ने अवसर पाउनेछन्।

यसरी अभियानमा कुल ३७ वटा सवारीसाधन पुरस्कारका रूपमा उपलब्ध छन्। तीमध्ये हालसम्म नौ जनाले मोटरसाइकल तथा स्कुटर जितिसकेका छन् भने अब २८ वटा सवारीसाधनका विजेता सार्वजनिक हुन बाँकी छन्।

दशैंको अवसर पारेर सञ्चालन गरिएको यस अभियानले उपभोक्तालाई इनर्जी ड्रिङ्क्सको खरिदसँगै आकर्षक पुरस्कार जित्ने अवसर प्रदान गरेको कम्पनीले जनाएको छ। बनेपा, बुटवल, धादिङ, धनगढी, सुर्खेत, जनकपुर, बिर्तामोड, धरान र वीरगञ्जका उपभोक्ता विजेता बनेका छन्।

‘हरेक क्यानमा ऊर्जा र हरेक जितमा नयाँ उत्साह’ भन्ने नारासहित सञ्चालित अभियानमा आगामी दिनमा थप विजेता सार्वजनिक गरिने कम्पनीको भनाइ छ। मोटरसाइकल र स्कुटरका साथै बम्पर पुरस्कारमा राखिएको प्रोटोन कार कसले जित्ला भन्ने चासो पनि बढेको छ।