जुम्लामा नुन नपाएपछि डिपो तोडफोड
रासस
जुम्ला– साल्ट ट्रेडिङको जुम्ला कार्यालयले स्थानीयलाई सहज रूपमा नुन उपलब्ध नगराएपछि डिपो तोडफोड भएको छ। नुनका लागि लाइनमा लागेका जुम्लाका स्थानीयले डिपोमा ढुंगामुढा गरेको साल्ट ट्रेडिङ कार्यालय जुम्लाका प्रमुख खगेन्द्रबहादुर मल्लले जानकारी दिए।
‘नुन वितरण भइरहेको समय ढुंगामुढा हुँदा डिपो कार्यालयमा क्षति भएको छ’, कार्यालय प्रमुख मल्लले भने, ‘म सिञ्जामा नुन वितरण गर्न गएको थिएँ। आइतबार सदरमुकामको डिपोमा अन्य कर्मचारीले नुन बाँडिरहेको समय तोडफोड हुँदा कार्यालयको मुख्य ढोकामा क्षति भएको छ।’ उनका अनुसार नुन कम भएकाले यसअघि तीन प्याकेटका दरले वितरण गर्ने गरिएको थियो। यसपटक भने एउटा व्यक्तिलाई पाँच प्याकेटका दरले वितरण गरिएको कार्यालय प्रमुख मल्लको भनाइ छ।
जुम्लाका प्रमुख जिल्ला अधिकारी जयकुमार घिमिरेले कार्यालयले नुन बाँडिरहेको समयमा अपुग भएपछि केही व्यक्तिले ढुंगामुढा गरेको जानकारी दिए। अब नुन वितरण वडाबाटै गर्ने गरी चाँडै काम अगाडि बढाइएको उनको भनाइ छ।
गत वर्ष जुम्लाका लागि २ हजार पाँच सय क्विन्टल नुन स्वीकृत भए पनि भर्खरै मात्र २ हजार ८० क्विन्टल नुन थप भएकाले कार्यालयमा नुन अभाव नभएको साल्ट ट्रेडिङ कार्यालय जुम्लाले जनाएको छ। यहाँको सिञ्जा क्षेत्रमा पर्ने तीन स्थानीय तहका लागि नराकोटमा नुनको उपशाखा कार्यालय स्थापना गरी नुन वितरण भइरहेको कार्यालयले बताएको छ।
रासस
तीन महिनामा १६ अर्ब बढीको बिजुली भारत र बंगलादेश निर्यात
नीतिगत दरले बैंकको ब्याजदेखि बजारसम्म कसरी असर गर्छ?
मुद्रास्फीतिको दबाबले सर्वसाधारणको जीवनमा कस्तो असर पर्छ?
३ हजारको सामान किनेकी सन्तमायाले जितिन् १० लाख, १ लाख जित्ने १६ जना को? [सूची]
१० लाखमाथिको कारोबारमा सेबोनको निगरानी, लगानीकर्ताको विवरण र रकमको स्रोत जाँचिने
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
