आइतबार मौद्रिक नीति सार्वजनिक गर्ने तयारी, गभर्नरले बोलाए बोर्ड बैठक

काठमाडौँ-  नेपाल राष्ट्र बैंकले चालू आर्थिक वर्ष २०८०/८१ को मौद्रिक नीति आइतबार सार्वजनिक गर्ने तयारी गरेको छ।

मौद्रिक नीति पारित गराउनका लागि  सञ्चालक समिति (बोर्ड) को बैठक आइतबार बिहान बोलाइएको राष्ट्र बैंक स्रोतले जानकारी दिएको छ।

राष्ट्र बैंकका एक अधिकारीका अनुसार आइतबार बिहान सञ्चालक समितिबाट नीति पास गराएर दिउँसो सार्वजनिक गर्ने तयारी गरिएको हो।

मौद्रिक नीति विषयमा गभर्नर महाप्रसाद अधिकारीले राष्ट्र बैंक अनुसन्धान विभाग, बैंक तथा वित्तीय संस्था नियमनलगायत विभागका अधिकारीसँग छलफलसमेत गरेका छन्।

गभर्नर महाप्रसाद अधिकारी सम्पत्ति शुद्धीकरणसम्बन्धी फाइनान्सियल एक्सन टाक्स फोर्स (एफएटीएफ) को कार्यक्रममा सहभागी हुनका लागि क्यानडा गएपछि यस पालि मौद्रिक नीति आउनमा केही ढिलाइ भएको हो। अधिकारी क्यानडाको भ्यानकुमरमा आयोजित एसिया प्यासिफिक ग्रुप अन मनी लाउन्डरिङ(एपीजी) को वार्षिक प्लेनरी बैठक सहभागी भई साउन ३ गते स्वेदश फर्किएका हुन्।

गभर्नर अधिकारीको नेतृत्वमा प्रधानमन्त्री तथा मन्त्रिपरिषद कार्यकालयका सचिव एवं सम्पत्ति शुद्धीकरणसम्वन्धी राष्ट्रिय समन्वय समितिका संयोजक उदयराज सापकोटा र कानुन न्याय तथा संसदीय मामिला मन्त्रालयका सचिव धनराज ज्ञवालीको सहभागिता रहेको थियो। नेपालको सम्पत्ति शुद्धीकरणसम्बन्धी पारिस्पारिक मूल्याकन प्रतिवेदन बैठका प्रस्तुत गरिएको थियो।

बैंठकमा एपीजीका सदस्य राष्ट्रहरु र पर्यवेक्षकका रुपमा फाइनान्सियल एक्सन टास्क फोर्स(एफएटीएफ), विश्व बैंक, अन्तर्राष्ट्रिय मुद्रा कोष, युएन अफिस अफ ड्रग्स एण्ड क्राइम(युएनओडीसी) लगायतका संस्थाहरुको सहभागिता रहेको राष्ट्र बैंकले जनाएको छ।

गभर्नर अधिकारीले एपीजीको वार्षिक बैठ्कपश्चात अमेरिकाको वाशिङ्गटन डीसीस्थित अन्तर्राष्ट्रिय मु्द्राकोषको मुख्यालयमा कोषका डेपुटी मनेजिङ्ग डाइरेक्टर एन्टोनेट सायहसहति साउथ इस्ट एसिया भोटिङ ग्रुपका कार्यकारी निर्देशक, मनी एण्डका का्यापिट मार्केट(एमसिएम) डिपार्टमेन्ट लीगल डिपार्ट र इन्टरनेशनल डेभलपमेन्ट फाइनान्स कर्पोरेशन(डिएफसी) का पदाधिकारीसँग सेफगार्ड एसेसमेन्ट, विस्तारिक कर्जा सुविधा, पारिस्परिक मुल्याङ्कन लगायतका विषयमा द्विपक्षीय छलफल गरेका थिए।

एपीजीको बैठकले नेपाललाई सम्पत्ति शुद्धीकरणको ग्रे लिस्टमा नराख्ने निर्णय गरेको छ।