धरानमा गोरु काटेर गरिएको सहभोजबारे प्रहरी अनुसन्धान सुरु

धरान- धरान ११ स्थित मङ्गलबारेमा गोरु काटेर भोज खाइएको भन्दै सामाजिक सञ्जालमा भाइरल भइरहेको  भिडियोको विषयमा नेपाल प्रहरीले अनुसन्धान सुरु गरेको छ। जिल्ला प्रहरी कार्यालय सुनसरीका प्रहरी उपरीक्षक प्रभु ढकालले सामाजिक सञ्जालमा आएका तस्बिर तथा भिडिओलाई आधार मानेर अनुसन्धान सुरु गरेको बताए।

‘घटनाका विषयमा हामीले गम्भिर रुपमा अनुसन्धान सुरु गरेका छौं’ प्रहरी उपरीक्षक ढकालले भने, ‘कसैले कानुन विपरित काम गरेको भए सजायँ हुन्छ।’

धरानको मङ्गलबारेमा मंगलबार मात्र गोरु काटेर जेल परेका दोषीहरु जेल बाहिर आएको खुशीयालीमा गोरु नै काटेर भोज लगाइएको भन्दै सामाजिक सञ्जालमा तस्विर तथा भिडियोहरु अपलोड भएका थिए। आदिवासी जनजातिको अधिकारको पक्षमा काम गर्दै आएका संघसंस्थाका प्रतिनिधि तथा क्रिस्चियन सोसाइटीका प्रतिनिधीहरु सो सहभोजमा सहभागी भएका खबरहरु स्थानीय सञ्चार माध्यमहरुले प्रकाशन\प्रशारण गरेका थिए।

गोरु काटेको अभियोगमा पक्राउ परेका विन्द्राकुमार राई र राजन परियार थुनामुक्त भएको खुसीयालीमा सो भोज लगाइएको बताइएको छ।

नेपालको संविधानको धारा ९ उपधारा (३) मा नेपालको राष्ट्रिय जनावरको रूपमा गाईलाई राखिएको छ। त्यस्तै, मुलुकी अपराध (संहिता) ऐन, २०७४, भाग २, परिच्छेद–२७ मा गाई गोरु काट्न नहुने उल्लेख छ। गाई गोरुलाई कुटी अङ्गभङ्ग भएमा निजलाई ६ महिनासम्म कैद र ५० हजार रुपैयाँसम्म जरिवानाको व्यवस्था मुलुकी अपराध संहिताले गरेको छ।

यसैबीच,  धरानमा गोरु काटेर गरिएको सहभोजबारे राष्ट्रिय प्रजातन्त्र पार्टिले आपत्ती प्रकट गरेको छ। राप्रपा उपाध्यक्ष रविन्द्र मिश्रले आफ्नो फेसबुक पेजमा लेखेका छन् –