उद्योगका ५ सहसचिवको सरुवा र दुईको पदस्थापन, १९ उपसचिवको जिम्मेवारी हेरफेर

काठमाडौँ- उद्योग, वाणिज्य तथा आपूर्ति मन्त्रालयले ५ जना सहसचिवको कार्यविभाजन हेरफेर गरेको छ। यस्तै दुई जना महानिर्देशकको पदस्थापनसमेत गरेको छ।

निजामती सेवा ऐन, २०४९ को दफा १५ बमोजिम २५ भदौ २०८० को मन्त्रीस्तरीय निर्णयअनुसार ५ जना सहसचिवको जिम्मेवारी हेरफेर गरी २ जना महानिर्देशकको पदस्थापन गरिएको जानकारी मन्त्रालयले दिएको छ। त्यसैगरी १९ जना उपसचिवहरुको समेत सरुवा गरिएको मन्त्रालय स्रोतको भनाइ छ।

वाणिज्य, आपूर्ति तथा उपभोक्ता संरक्षण विभागमा सहसचिव तीर्थ चिलुवाललाई पदस्थापन गरिएको छ। यसअघि चिलुवाल अख्तियार दुरुपयोग अनुसन्धान आयोगमा कार्यरत थिए।

त्यसैगरी कम्पनी रजिष्टारको कार्यालयको रजिष्टारमा सहसचिव दिवस आचार्यलाई पदस्थापन गरिएको छ। यसअघि आचार्य राष्ट्रिय सूचना आयोगमा थिए।

वाणिज्य आपूर्ती तथा उपभोक्ता संरक्षण विभागका महानिर्देशक गजेन्द्र ठाकुरलाई मन्त्रालयको आपूर्ति व्यवस्था तथा उपभोक्ता हित संरक्षण महाशाखामा सरुवा गरिएको छ।

मन्त्रालयका सहसचिव यज्ञराज कोइरालालाई प्रशासन तथा संस्थान महाशाखा, सहसचिव लीला प्रसाद शर्मालाई बहुपक्षीय व्यापार तथा व्यापार सहायता महाशाखा, सह सचिव गोविन्द बहादुर कार्कीलाई योजना अनुगमन तथा मूल्यांकन महाशाखा, सहसचिव जीवलाल भुसाललाई औधोगिक तथा लगानी प्रवद्र्धन महाशाखाको जिम्मेवारी तोकिएको छ ।

कोइराला औद्योगिक तथा लगानी प्रवर्द्धनमा थिए भने शर्मा प्रशासन तथा संस्थानमा थिए। कार्की बहुपक्षीय व्यापार तथा व्यापार सहायता तथा भुसाल योजना अनुगमन तथा मूल्यांकन महाशाखाको जिम्मेवारीमा थिए।