शिक्षक बन्न स्नातक अनिवार्य!

काठमाडौँ– अब विवद्यालयमा शिक्षक बन्न कम्तीमा स्नातक तह उत्तीर्ण हुनैपर्ने भएको छ। शिक्षा, विज्ञान तथा प्रविधिमन्त्री अशोक राईले बुधबार संघीय संसद सचिवालयमा दर्ता गरेको विद्यालय शिक्षासम्बन्धी विधेयकमा शिक्षकको न्यूनतम योग्यता स्नातक तोकिएको हो।

यसअघि तीन तहका शिक्षकको व्यवस्था भएपनि अब दुई तहका शिक्षक मात्र प्रस्ताव गरिएको छ। आधारभूतका लागि न्यूनतम योग्यता स्नातक र माध्यमिकका लागि स्नातकोत्तर उत्तीर्ण हुनुपर्ने व्यवस्था विधेयकमा प्रस्ताव गरिएको छ। शिक्षक बन्नका लागि अध्यापन अनुमतिपत्र (टिचिङ लाइसेन्स)पनि अनिवार्य गरिएको छ।

विधेयकमा पहिलो पटक शिक्षकको परीक्षामा आन्तरिक प्रतियोगिताको व्यवस्था पनि गरिएको छ। आधारभूत तहको तृतीय श्रेणीको पदमा शतप्रतिशत खुला र माध्यमिक तृतीय श्रेणीमा ३० प्रतिशत आन्तरिक प्रतिस्पर्धाबाट पदपूर्ति गर्न प्रस्ताव गरिएको छ। माध्यमिक द्वितीयमा२० प्रतिशत खुला प्रतिस्पर्धाबाट पूर्ति गर्ने व्यवस्था प्रस्ताव गरिएको छ।