शिक्षकसँग बिहीबार साँझबिहानकै वार्ता निष्कर्षविहीन, शुक्रबार पनि बस्ने सहमति

काठमाडौँ-  विभिन्न माग राखी यही असोज ३ गतेदेखि आन्दोलनमा रहेको शिक्षक र सरकारबीचको वार्ता निष्कर्षविहीन बनेको छ। बिहीबार बिहान पनि र साँझ पनि भएको वार्ता निष्कर्षविहीन बनेको हो।

कानुन, न्याय, तथा संसदीय मामिला मन्त्री धनराज गुरुङले नेपाल शिक्षक महाङ्घसँगको वार्ता सकारात्मक रहेको र शुक्रबार बिहान पुनः वार्तामा बसेर छलफल गर्ने  सहमति भएको बताए।

‘आज सकारात्मक छलफल भएको छ,’ उनले भने, ‘बिहानको भन्दा अहिले बुँदागत रुपमा छलफल भएको छ।’

शिक्षकका मागका सम्बन्धमा बुँदागत रूपमा नै छलफल भएको उनको भनाइ छ। शुक्रबार बिहान वार्ता टुंगिने उनको भनाइ छ।

त्यस्तै, शिक्षा, विज्ञान तथा प्रविधिमन्त्री अशोककुमार राईले पनि छलफलले समस्याका समाधान हुनेमा आशावादी रहेको बताए।

उपप्रधान तथा गृहमन्त्री नारायणकाजी श्रेष्ठ र अर्थ मन्त्री डा प्रकाशशरण महत पनि वार्तामा सहभागी थिए।

शिक्षक महासङ्घ र सरकारबीच बिहीबार बिहान पनि भएको वार्ता निष्कर्षविहीन बनेको थियो।