इजरायलका ३२ विद्यार्थीलाई सुरक्षित स्थानमा सारियो [नामावलीसहित]

काठमाडौँ- इजरायलको जोखिमयुक्त क्षेत्रमा रहेका ३२ नेपाली विद्यार्थीलाई सुरक्षित स्थानमा सारिएको छ।

गाजा क्षेत्रमा इजरायली र प्यालेस्टाइनी पक्षको युद्धको चपेटामा परेका नेपाली विद्यार्थीहरूलाई सुरक्षित स्थानमा सारिएको परराष्ट्र मन्त्रालयले जानकारी दिएको छ।

इजरायली सेनाले सोमबार दिउँसोबाट जोखिम क्षेत्रमा रहेका नेपालीलाई सुरक्षित स्थानमा सार्न थालेको त्यहाँ पुगेका विद्यार्थी लुइस रिजालले जानकारी दिएका छन्।

‘हाम्रो फार्मको सबै साथीहरुलाई उद्धार गरिएको छ। खानेकुरा पाएका छौँ। अब टेन्सन लिन पर्दैन। यहाँ अहिले चारैतिर इजरायली आर्मी मात्र छन्। हामीलाई स्कटिङ गरेर उद्धार गर्न सेना आइसकेको छ। सबै जनालाई नआत्तिनोस् भन्छु। आशा गरौँ राम्रो हुन्छ,’ रिजालले पोस्ट गरेको भिडियोमा भनेका छन्।

प्यालेस्टाइनको चरमपन्थी इस्लामिक समूह हमासले इजरायलको दक्षिण भूभागमा शनिबार आक्रमण गर्दा १० जना नेपाली विद्यार्थीको मृत्यु भएको थियो। त्यहाँ अझसम्म पनि युद्ध जारी छ। उक्त युद्धमा ७ सय भन्दा बढी व्यक्ति मारिएको बीबीसीले उल्लेख गरेको छ।

उद्धार भएका ३२ विद्यार्थी

११ महिने लर्न एन्ड अर्न कार्यक्रमका लागि ४९ विद्यार्थी इजरायल पुगेका थिए।

यसमध्ये १७ जनाको समूहमा फार्ममा गएका १० जना मारिएको मन्त्रालयले यसअघि नै जानकारी गराएको थियो। ५ जनाको घाइते अवस्थामा अस्पतालमा उपचाररत छन् दुई जना पनि पनि सुरक्षित रहेको तेलअभिभस्थित नेपाली दूतावासले जानकारी दिएको छ।