पक्राउ परेका चौधरी र थापा चिरायु अस्पताल भर्ना

काठमाडौँ- बाँसबारी छालाजुत्ता कम्पनीको १० रोपनी जग्गा हडपेको आरोपमा पक्राउ परेका व्यवसायी अरुण चौधरी र अजितनारायणसिंह थापालाई चिरायु अस्पतालमा भर्ना गरिएको छ।

बिहीबार दिउँसो पक्राउ गरेका चौधरी र थापाको नियमित जाँचका लागि अस्पताल भर्ना गरिएको नेपाल प्रहरीको केन्द्रीय अनुसन्धान ब्युरो (सीआईबी)ले जानकारी दिएको छ।

अरुण चौधरीले बाँसबारी छालाजुत्ता कारखानाबाट च्याम्पियन फुटवेयर लिमिटेडको नाममा आएको १० रोपनी जग्गा निजीकरण गरेको आरोप छ।

बाँसबारी छालाजुत्ता कारखानाका पूर्वअध्यक्ष थापालगायतले मिलेमतोमा गरी सरकारको नामको १० रोपनी जग्गा कीर्ते गरी चौधरीका नाममा निजीकरण गरेको आरोप छ।

उनीहरू दुवैलाई हिरासतमा राखेर अनुसन्धान गर्न जिल्ला अदालत काठमाडौंँले प्रहरीलाई ४ दिनको म्याद दिएको छ।

अरुण र अजितलाई ४ दिन थुनामा राख्न अदालतको अनुमति

सिजी चाँदबाग कम्पनीका अध्यक्ष ठाकुर पक्राउ