सुदूरपश्चिमका मुख्यमन्त्री शाहलाई विश्वासको मत दिन कांग्रेस र एमालेको ह्विप

धनगढी- सुदूरपश्चिमका मुख्यमन्त्री कमलबहादुर शाहको पक्षमा विश्वासको मत दिन नेपाली कांग्रेस र एमालेले सांसदहरूलाई ह्विप जारी गरेका छन्। बुधबार दुवै पार्टीका संसदीय दलले ह्विप जारी गरेका हुन्।

नेपाली कांग्रेसका प्रमुख सचेतक विक्रमसिंह धामी र एमालेका प्रमुख सचेतक चक्रबहादुर मल्लले मुख्यमन्त्री कमलबहादुर शाहको पक्षमा मतदान गर्न भन्दै ह्विप जारी गरेका हुन्। नागरिक उन्मुक्त पार्टी पार्टीले पनि शाहलाई मत दिने भएको छ।

साउन २० गते मुख्यमन्त्रीमा नियुक्त शाहलाई कांग्रेसका १८ र एमालेका ७ जना प्रदेशसभा सदस्यसँगै नागरिक उन्मुक्ति पार्टीले पनि विश्वासको मत दिने भएको छ। उन्मुक्तिका ७ जना प्रदेशसभा सदस्य छन्। बहुमतको सरकारको लागि यहाँ २७ सिट सङ्ख्या चाहिन्छ। यहाँ कांग्रेस र एमालेको मात्रै २९ पुग्ने भएको छ।

उता नेकपा एसले भने विपक्षमा मतदान गर्न ह्विप जारी गरेको छ। सुदूरपश्चिममा समाजवादीका चार जना प्रदेशसभा सदस्य छन्।

माओवादी संसदीय दलका उपनेता अक्कल रावलले विपक्षमा मतदान गर्ने बताए। माओवादीका यहाँ सभामुखसहित ११ जना प्रदेशसभा सदस्य छन्।