कुलमानले बुझाए स्पष्टीकरण [पूर्णपाठसहित]

काठमाडौँ- नेपाल विद्युत् प्राधिकरणका कार्यकारी निर्देशक कुलमान घिसिङले सरकारसमक्ष सफाइ पेस गरेका छन्। बक्यौता नउठाएको भन्दै गत बुधबारको मन्त्रिपरिषद् बैठकबाट निर्णय गराएर सरकारले कुलमानलाई तीन दिनको समय दिएर चारबुँदे स्ष्पटीकरण सोधेको थियो।

आइतबार सफाइ पेश गर्दै कुलमानले ऊर्जा मन्त्रालयसँग भएको सम्झौतापत्रमा कार्यसम्पादन प्रतिवेदन पेस गर्नुपर्ने म्याद नतोकिएको दाबि गरेका छन्।

‘सम्झौतापत्रमा कार्य सम्पादन प्रतिवेदन पेश गर्नुपर्ने समयावधि उल्लेख छैन। यद्यपि कार्यालयको कार्य व्यस्तता, संस्थागत हितको निम्ती अहोरात्र खटिनु परेको कारणले भाद्र मसान्तभित्र पेश गर्न नसकिएको अवस्थामा मन्त्रालयमा अनुरोध गरी सोभन्दा पछाडी बुझाउँदै आएको र मूल्याङ्कन हुँदै आएको छ,’ स्पष्टीकरणमा भनिएको छ।

आ.व २०७८/७९ र २०७९/८० मा क्रमशः ९४.२३ र ९८.९४ अंक प्राप्‍त गरेको उल्लेख गर्दै उनले आ.व २०८०/०८१ मा ९८.९९ अंक प्राप्त हुने वस्तुगत अवस्थासहित कार्यसम्पादन प्रतिवेदन पेश गरेको समेत प्रष्ट पारेका छन्।

मन्त्रालय र आफूबिच भएको कार्यसम्पादन सम्झौताअनुसार सम्झौता भएका विषयमा सन्तुष्‍ट नभएमा बैठकमा उपस्थित हुन सूचना दिई स्पष्टीकरणको अवसर दिनुपर्ने शर्त समेत उनले सरकारलाई स्मरण गराएका छन्।

यस्तो छ स्पष्टीकरण