ए डिभिजन लिगको शीर्ष १० गोलकर्तामा एक मात्र नेपाली खेलाडी

काठमाडौं – काठमाडौंमा जारी सहिद स्मारक ए डिभिजन लिगको आज आइतबार २२ औं चरणका अन्तिम दुई खेल हुँदैछन्। लिग अन्तिम अवस्थामा आइपुग्दा पनि अंक तालिकामा धेरै उचारचढाव देख्न सकिन्छ। त्यस्तै, गोलकर्ताको सूची पनि निकै पेचिलो देखिएको छ। २२ खेल भइसक्दा अहिलेसम्म सर्वाधिक धेरै गोल गर्ने खेलाडीले १५ गोल गरेका छन्।

लिगमा समान १५ गोल गर्ने दुई खेलाडी रहेका छन्। ति दुवै वेदेशि खेलाडी हुन्। लिग खेलिरहेका धेरै खेलाडी नेपाली भए पनि शीर्ष गोलकर्ताको तालिका हेर्ने हो भने शीर्ष १० भित्र एक मात्र नेपाली खेलाडी छन्। त्यो पनि पाँचौ स्थानमा मात्र।

ति खेलाडी हुन सातदोबाटो युवा क्लबका दिपक सिंह ठकुरी। उनले अहिलेसम्म २२ खेलबाट १२ गोल गरेका छन्। यो गोलसंख्या शीर्ष गोलकर्ता अफिज आलोवाले ओलादिपोको तुलनामा तीन गोल कम हो।

२३ वर्षका यि फरवार्डले यही वर्ष मात्र ए डिभिज लिगमा डेब्यु गरेका हुन्। त्यससँगै उनले राष्ट्रिय टिमबाट खेल्ने अवसर पनि पाइसकेका छन्। उनले त्यसमध्ये एपिएफ, हिमालयन शेर्पा, संकटा र एनआटी क्लबविद्ध एकै खेलमा समान २–२ गोल गरिसकेका छन्।

त्यस्तै, उनले मनाङ मस्र्याङ्दी, जावलाखेल, खुमलटार, फ्रेन्ड्सक्लबविरुद्ध पनि समान १–१ गोल प्रहार गरिसकेका छन्।

ओलावाले।

जारी लिगमा सबैभन्दा धेरै समान १५–१५ गोल गर्नेमा नाइजेरियका ओलावालेसँगै क्यामरुनका मेसुको ओलोमोउ पनि रहेका छन्। मछिन्द्रका ओलावालेले एक पेनाल्टीसहित १५ गोल गर्दा मेसुकेले पेनाल्टीमा गोल गरेका छैनन्।

यता ओलावालेले १८ खेले खेलेका छन् भने मेसुकेले १५ खेल मात्र खेलेका छन्। त्यस्तै, तेस्रो स्थानको एनकोटो स्यानोस मसोआबीले पनि एक पेनाल्टीसहित १४ गोल गरेका छन्। उनी लेसोथोका खेलाडी हुन्। त्यस्तै, चौथो स्थानको राफिक अमिनु(घाना)ले पनि १३ गोल गरिसकेका छन्। दिपक पाँचौ स्थानमा हुँदा टोगोका कोफी टिमोथीले भने १७ खेलमा ९ गोल गरिसकेका छन्।

मेसुकेसँगै मैदानमा देखिने क्यामरुनकै स्टेफेन समिर विनोङले पनि लिगमा ८ गोल गरिसकेका छन्। यि दुई खेलाडी मिलेर २३ गोल गरिसकेका छन्। यद्यपी खुमलटार अहिलेसम्म तालिकाको पुछारमा रहेको छ।

यता मो गोल अंकतालिकाको आठौं स्थानमा छन् जावलाखेलका फोडे फोफाना उनी गुनियाका हुन्। उनले अहिलेसम्म आठ गोल गरिसकेका छन्। त्यस्तै, एपिएफका अरमान्ड बेगोम(चाड)ले पनि समान ८ गोल गर्न गरेका छन्। तर उनले २२ खेल नै खलेका कारण तालिकामा पछि छन्। यता, थ्रिस्टारका अजयी मार्टिन्सले अहिलेसम्म सात गोल गरिसकेका छन्। नाइजेरियाका यि खेलाडीले २२ खेलमा सात गोल गरेका हुन्।

मेसुके ओलोमेउ। खुमलटारका खेलाडी।