दीपेन्द्रसिंह ऐरी इन्फिनिक्सको ब्रान्ड एम्बेसडर नियुक्त

काठमाडौँ: इन्फिनिक्स नेपालले क्रिकेटर दीपेन्द्र सिंह ऐरीलाई आफ्नो ब्रान्ड एम्बेसडर नियुक्त गरेको छ। ऐरीलाई ब्रान्ड एम्बेसडर घोषणा गर्दै यसले ब्रान्डको नेपाली युवाहरू र प्रदर्शनप्रेमी दर्शकसँगको सम्बन्धलाई अझ मजबुत बनाउने महत्वपूर्ण कदमको रूपमा कम्पनीले लिएको छ।

इन्फिनिक्सले आफ्नो नवीनतम मोडल नोट ६० सिरिज सार्वजनिक गर्ने तयारी गरिरहेको छ। यसै तयारीकाबीच कम्पनीले ऐरीलाई ब्रान्ड एम्बेसडर नियुक्त गरेको हो। नोट ६० सिरिजले आफ्नो सेग्मेन्टमा प्रदर्शन, डिजाइन र प्रयोगकर्ता अनुभवलाई नयाँ स्तरमा पुर्‍याउने लक्ष्य राखेको छ।

इन्फिनिक्सु नेपालका कन्ट्री म्यानेजर पियुष गिरीले भने, ‘दीपेन्द्र सिंह ऐरीले आत्मविश्वास, उत्कृष्ट प्रदर्शन र निरन्तरताको नयाँ युग प्रतिनिधित्व गर्छन्। उहाँको यात्रा Infinix ले विश्वास गर्ने मूल्यमान्यतासँग पूर्ण रूपमा मेल खान्छ—सीमाना तोड्दै अपेक्षाभन्दा बढी दिने, नेपालमा हाम्रो ब्रान्डको नेतृत्व उहाँबाट गराउन पाउँदा हामी उत्साहित छौं।’

यस्तै ऐरीले इन्फिन्क्ससँग सँग जोडिन पाउँदा गर्व महसुस गरेको बताए। उनले भने, ‘यो ब्रान्ड युवाहरूसँग गहिरो रूपमा जोडिएको छ र निरन्तर नयाँपन ल्याइरहन्छ। यस यात्रामा सँगै अघि बढ्न पाउँदा म उत्साहित छु।’

इन्फिनिक्स एक तीव्र गतिमा बढिरहेको अन्तर्राष्ट्रिय स्मार्टफोन ब्रान्ड हो, जसले नवीन प्रविधि, आकर्षक डिजाइन र शक्तिशाली प्रदर्शन प्रदान गर्न प्रतिबद्ध छ। उदीयमान बजारहरूमा बलियो उपस्थितिसहित, इन्फिनिक्सले आधुनिक उपभोक्ताको बदलिँदो आवश्यकताहरू पूरा गर्न निरन्तर नयाँ मापदण्ड स्थापित गर्दै आएको छ।