नयाँ इलेक्ट्रिक अफ-रोडर ‘जेको जे सिक्स टी’ सार्वजनिक, मूल्य ६८ लाख ९९ हजार

काठमाडौँ: नेपालमा ओ‌मोडा जेकोको आधिकारिक वितरक एसपीजी अटोमोबाइल प्रालिले जेको जे सिक्स टी सार्वजनिक गरेको छ। बेस्ट-इन-सेग्मेन्ट इलेक्ट्रिक अल–रोडर जे सिक्स टीले ल्यान्ड रोभर डिफेन्डरबाट प्रेरित आकर्षक, बक्सी र रग्ड डिजाइन प्रस्तुत गर्दछ। यो गाडी रियर-व्हील ड्राइभ (आरडब्लूडी) भेरियन्टमा रु. ६८ लाख ९९ हजार रुपैयाँ रहेको छ। यद्यपि ग्राहकहरूका लागि विशेष प्रारम्भिक अफर अन्तर्गत रु.६६ लाख ९९ हजार रुपैयाँमा उपलब्ध गराइएको छ।

जेको जे सिक्स को सफलतापछि एसपीजी अटोमोबाइल्स ले जेको जे सिक्स टी लाई भव्य अनावरण कार्यक्रममार्फत सार्वजनिक गरेको हो। कार्यक्रममा Sharda Group का प्रबन्ध निर्देशक श्री सन्दीप कुमार शार्डा, निर्देशक श्री गौरव शार्डा, जेको जे सिक्स का सम्मानित ग्राहकहरू, सञ्चारकर्मीहरू, इन्फ्लुएन्सरहरू, अटोमोबाइल क्षेत्रका अतिथिहरू तथा एसपीजी अटोमोबाइल्स का प्रतिनिधिहरूको उपस्थिति रहेको थियो। उक्त कार्यक्रमले नेपालमा यस गाडीको औपचारिक डेब्युलाई विशेष रूपमा उजागर गरेको थियो।

अल-रोडर जेको जे सिक्स टी मा रियर-माउन्टेड मोटर रहेको छ जसले २२० एनएम टर्क उत्पादन गर्छ। यसमा लिथियम आयरन फस्फेट  ब्याट्री जडान गरिएको छ, जसले ४३१ किमीसम्मको ड्राइभिङ रेन्ज प्रदान गर्छ। साथै २२५ एमएम ग्राउन्ड क्लियरेन्स भएको यो गाडी ४४४३ मिमी लम्बाइ, १९१६ मिमी चौडाइ, १७४१ मिमी उचाइ तथा २७१५ मिमी ह्वीलबेसमा उपलब्ध छ। गाडीमा १९-इन्च टायर, १५.६ इन्च सेन्ट्रल टचस्क्रिन, ९.२ इन्च इन्स्ट्रुमेन्ट प्यानल, ५० वाट वायरलेस चार्जर तथा ८ स्पिकर जस्ता आधुनिक फिचरहरू समावेश छन्।

यसअघि जेको जे सिक्स मा २०० मिमी ग्राउन्ड क्लियरेन्स तथा ४०० किमी ड्राइभिङ रेन्ज उपलब्ध थियो भने नयाँ जेको जे सिक्स टीमा अझ बढी ग्राउन्ड क्लियरेन्स र विस्तारित ड्राइभिङ रेन्ज समावेश गरिएको छ। जेको जे सिक्स को सफल आधारलाई थप मजबुत बनाउँदै जे सिक्स टी ले अझ रग्ड डिजाइन, आकर्षक स्टाइलिस तथा उत्कृष्ट ड्राइभिङ अनुभव प्रदान गर्ने लक्ष्य राखेको छ, जुन साहसिक यात्रा र कठिन सडक अवस्थाका लागि विशेष रूपमा उपयुक्त छ।

जेको जे सिक्स ले देशभर तथा अन्तर्राष्ट्रिय बजारमा उत्कृष्ट प्रदर्शन र बेस्ट-इन-सेग्मेन्ट विशेषताहरूका कारण पहिचान बनाइसकेको छ। त्यसैले नयाँ आकर्षक लुक्स र १९ इन्च टायरसहित जे सिक्स टी ले ग्राहकहरूका लागि एक उत्कृष्ट विकल्पको रूपमा आफ्नो स्थान स्थापित गर्ने विश्वास गरिएको छ।