खराब कर्जा बढ्दो, कुन बैंक कति जोखिममा?

काठमाडौँः वाणिज्य बैंकको खराब कर्जा अर्थात् एनपीएल बढ्दै गएको छ। आर्थिक वष २०८२ ८३को चौथो त्रैमाससम्म नेपालका २० वटा वाणिज्य बैंकको खराब कर्जा (एनपीएल) औसतमा ५.४४ प्रतिशत रहेको छ। जुन आर्थिक वर्ष २०८१र८२ को अन्त्यसम्ममा औसत खराब कर्जा ४.६ प्रतिशत कायम भएको थियो।

उपलब्ध वाणिज्य बैंकहरूको तथ्यांकअनुसार सबैभन्दा धेरै खराब कर्जा प्रभु बैंकको रहेको छ भने सबैभन्दा कम एभरेस्ट बैंकको रहेको छ। प्रभु बैंकको एनपीएल १५.५५ प्रतिशत रहेको छ। यो २० वटा बैंकको औसत एनपीएलभन्दा निकै बढी हो।

त्यस्तै, एनआईसी एसिया बैंकको एनपीएल ९.२६ प्रतिशत, नेपाल इन्भेस्टमेन्ट मेगा बैंकको ८.६६ प्रतिशत र हिमालयन बैंकको ७.९६ प्रतिशत रहेको छ।

कुमारी बैंकको एनपीएल ७.४६ प्रतिशत, प्राइम कमर्सियल बैंकको ६.६९ प्रतिशत र सिटिजन्स बैंकको ५.८८ प्रतिशत रहेको तथ्यांकले देखाएको छ।

लक्ष्मी सनराइज बैंकको एनपीएल ५.२३ प्रतिशत र ग्लोबल बैंकको ४.९६ प्रतिशत रहेको छ। एनएमबी बैंकको ४.९१ प्रतिशत, नबिल बैंकको ४.२० प्रतिशत, नेपाल बैंकको ४.१८ प्रतिशत र कृषि विकास बैंकको ४.०७ प्रतिशत खराब कर्जा रहेको छ।

त्यसैगरी, माछापुच्छ्रे बैंकको एनपीएल ३.९८ प्रतिशत, राष्ट्रिय वाणिज्य बैंकको ३.९५ प्रतिशत र सिद्धार्थ बैंकको ३.५३ प्रतिशत रहेको छ।

नेपाल एसबीआई बैंकको खराब कर्जा २.९२ प्रतिशत र सानिमा बैंकको २.८७ प्रतिशत रहेको छ। स्ट्यान्डर्ड चार्टर्ड बैंक नेपालको एनपीएल २.०३ प्रतिशत रहेको छ।

सबैभन्दा कम खराब कर्जा भने एभरेस्ट बैंकको रहेको छ। एभरेस्ट बैंकको एनपीएल ०.४९ प्रतिशत मात्र रहेको छ।

खराब कर्जा अर्थात् एनपीएल बढ्नु बैंकका लागि चुनौतीपूर्ण मानिन्छ। यसले कर्जा असुलीमा समस्या रहेको र बैंकले सम्भावित जोखिम व्यवस्थापनका लागि थप रकम छुट्याउनुपर्ने अवस्था आउन सक्ने संकेत गर्छ।