कपिलवस्तुमा १२ करोड लगानीमा तेल उद्योग सञ्चालन
नेपाल क्लिक्स
काठमाडौँः मायादेवी गाउँपालिका–५, सिहोरहवामा करिब १२ करोड रुपैयाँको लगानीमा ‘भारद्वाज तेल उद्योग’ सञ्चालनमा आएको छ। स्थानीयस्तरमा रोजगारी सिर्जना गर्ने उद्देश्यले स्थापना गरिएको उक्त उद्योगले राइस ब्रान (धानको भुसबाट उत्पादित) खाने तेल उत्पादन सुरु गरेको हो।
उद्योगका प्रबन्धक ओमशङ्कर उपाध्यायका अनुसार उद्योगमा हाल ८० जनाले रोजगारी पाएका छन्। उद्योगले वार्षिक ४ हजार ५०० मेट्रिक टन तेल उत्पादन गर्ने लक्ष्य लिएको छ। उनका अनुसार राइस ब्रान तेल मानव स्वास्थ्यका लागि उपयोगी खाने तेलमध्ये एक हो।
उद्योगबाट उत्पादित तेलमा भिटामिन ‘ए’ र ‘डी’ फोर्टिफाइड गरिएको जनाइएको छ। “मानव शरीरका लागि उपयोगी र गुणस्तरीय तेल उत्पादन गर्ने हाम्रो उद्देश्य हो,” प्रबन्धक उपाध्यायले भने।
उद्योगले हाल प्रतिलिटर ३६५ रुपैयाँमा तेल बिक्री गरिरहेको जनाएको छ।
मायादेवी गाउँपालिकाका अध्यक्ष वलीउद्दिन मुसलमानले उद्योग सञ्चालनमा आएसँगै स्थानीयले रोजगारी पाएको बताए। स्थानीयस्तरमा उद्योग स्थापना हुँदा रोजगारीका अवसर सिर्जना हुनुका साथै आर्थिक गतिविधिमा समेत सहयोग पुग्ने उनको भनाइ छ।
युनिलिभरले सेयरधनीलाई १५४० रुपैयाँ नगद लाभांश दिने
‘भारतीय र चिनियाँलाई आकर्षित गर्न सके पर्यटनबाटै आर्थिक समृद्धि संभव छ’
सम्भावनाको दोबाटोमा भैरहवाः पुरानो गल्ला व्यापारदेखि औद्योगिकीकरणको मार्गमा
हिमाली हाइड्रो फण्डले आईपीओ निष्कासन गर्ने, बिक्री प्रबन्धकमा सानिमा क्यापिटल नियुक्त
वैदेशिक लगानी प्रतिबद्धता ५४ प्रतिशत घट्यो, १६ अर्ब २३ करोड मात्र
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
