राष्ट्रिय सभा निर्वाचनः बागमतीका चार वटै सिटमा गठबन्धन विजयी

काठमाडौं- राष्ट्रियसभा निर्वाचनमा बागमती प्रदेशका चार वटै सिटमा सत्ता गठबन्धनका उम्मेदवार विजयी भएका छन्।  महिलातर्फ नेपाली कांग्रेसका विष्णुदेवी पुडासैनी विजयी भइन्। उनले  ६ हजार ६२२ मतभार सहित विजयी भइन्। एमालेकी उम्मेदवार रोचकुमारी चौलागाईंले दुई हजार ५५२ मतभार ल्याइन्।

दलिततर्फ एकीकृत समाजवादीका घनश्याम रिजाल विश्वकर्मा निर्वाचित भए। उनले ६ हजार ५१२ मतभार प्राप्त गर्दा  प्रतिस्पर्धी एमालेका उम्मेदवार ध्रुवराज विश्वकर्माले ३  हजार ५२ मतभार प्राप्त गरे।

अन्यतर्फ नेपाली कांग्रेसका उम्मेदवार जीतजंग बस्नेत ६ हजार ५३१ मतभार ल्याएर विजयी हुादा  एमालेका त्रिलोचन निर्मल पौडेल दुई हजार ३५९ मतभारसहित पराजित भए। ल्पसंख्यक तथा अपांगतातर्फ माओवादी केन्द्रका श्रीकृष्ण अधिकारी निर्वाचित भए। उनले नेकपा एमालेका उम्मेदवार विवेक देवकोटालाई पराजित गरे। अधिकारीले ६ हजार ४३६ मत प्राप्त गर्दा प्रतिस्पर्धी देवकोटाले दुई हजार ७३४ मत ल्याए।