राजस्व र भन्सारका महानिर्देशक फेरिए

काठमाडौँ- अर्थ मन्त्रालयले आन्तरिक राजस्व विभाग र भन्सार विभागका महानिर्देशक हेरफेर गरेको छ।

मंगलबार सरुवा भएर आएका तिवारीलाई आन्तरिक राजस्व विभागको जिम्मेवारी दिइएको हो।

तिवारीलाई आन्तरिक राजस्व विभागको महानिर्देशक बनाउनका लागि तत्कालीन महानिर्देशक भुपाल बराललाई वातावरण विभागमा पठाइएको थियो।

त्यसैगरी भन्सार विभागको महानिर्देशकमा ढुण्डीप्रसाद निरौलालाई नियुक्त भएका छन्। शोभाकान्त पौडेललाई सार्वजनिक वित्त व्यवस्थापन तालिम केन्द्रमा सरुवा गर्दै निरौलाललाई भन्सार विभागमा पठाइएको हो।

तालिम केन्द्रका प्रमुख रामप्रसाद आचार्यलाई मन्त्रालय तानिएका छन्। सहसचिवहरू निरौला, तिवारी र नारायणप्रसाद सापकोटा अर्थका लागि नयाँ अनुहार हुन्।

अर्थ मन्त्रालयले सहसचिव रितेशकुमार शाक्यलाई बजेट तथा कार्यक्रम महाशाखा प्रमुख बनाएको छ। उनी अहिले राजस्व व्यवस्थापन महाशाखा प्रमुख थिए।

धनीराम शर्मा राजश्व व्यवस्थापन महाशाखा प्रमुख भएका छन्। बजेट मशाशाखाका उत्तरकुमार खत्री योजना, अनुगमन तथा मूल्यांकन महाशाखामा पुगेका छन्।