भारतको प्रयागराजस्थित महाकुम्भमा फेरि लाग्यो आगो

भारत । महाकुम्भमा फेरि आगलागीको घटना सार्वजनिक भएको छ ।

मेला क्षेत्रको शंकराचार्य मार्गस्थित सेक्टर–१८ मा आगलागी भएको हो । पुरानो जीटी रोडको तुलसी चोक नजिकै रहेको क्याम्पमा आगलागी भएको खाकचोक प्रहरी चौकीका इन्स्पेक्टर योगेश चतुर्वेदीले भारतीय पत्रिका भास्करलाई बताए ।

तर, दमकलले आगोलाई धेरै हदसम्म नियन्त्रणमा लिएको जनाइएको छ । घटनास्थलमा दमकल पुगेर आगो निभाएको उनले बताए।

मेला क्षेत्रको सेक्टर ८ स्थित भ्रष्टाचार निवारण संगठनको शिविरमा बिहीबार अचानक आगलागी भएको थियो । दमकलले आगो नियन्त्रण गर्न नसक्दा एउटा पाल भने जलेर खरानी भएको छ। नवप्रयागाम पार्किङस्थलमा फोहोरको थुप्रोमा आगलागी भएको थियो, जसलाई दमकलले निभाएको थियो ।

बिहीबार बिहान केही मानिसले आगो बालेर आफूलाई न्यानो बनाउने क्रममा ननिभाई बाहिर गए । हावाहुरीले सोही आगो पालमा पुगेको समाचारमा जनाइएको छ। त्यसपछि पालबाट धुवाँ र आगो निस्कन थालेपछि भागाभाग भएको थियो ।

खबर पाएलगत्तै दमकलको टोली घटनास्थलमा पुगेर आगो नियन्त्रणमा लिए पनि पालमा आगलागी भइसकेको थियो। पालभित्र राखिएको सामान पनि आगलागीबाट खरानी भएको छ।

घटनापछि स्थानीयले दमकललाई खबर गरेका थिए । त्यसपछि दमकलको टोली घटनास्थल पुगेर आगो निभाएको थियो ।