झापामा लक्ष्यभन्दा कम राजस्व असुली
रासस
झापा– आन्तरिक राजस्व कार्यालय झापा लक्ष्यअनुसारको राजस्व संकलन गर्न असफल भएको छ। जिल्लाका उद्योगधन्दा, कलकारखाना तथा व्यापार व्यवसायमा आएको मन्दीको असर राजस्वमा पनि परेको कार्यालयका प्रमुख कर अधिकृत शुभप्रसाद रिजालले बताए।
कार्यालयले चालू आर्थिक वर्षको १० महिनामा २ अर्ब ८५ करोड ३५ लाख ५० हजार राजस्व संकलन लक्ष्य लिएकामा २ अर्ब २६ करोड ४८ लाख ८० हजार राजस्व संकलन भएको उनले जानकारी दिए।
प्रमुख कर अधिकृत रिजालका अनुसार संकलन भएको रकममध्ये करिब १ करोड ५० लाख विगत वर्षको पूर्वअनुमानित आयविवरण तथा दाखिला गरेको करको अंक फरक परेका (मिसम्याच) करदाताबाट संकलन भएको थियो। मूल्य अभिवृद्धि करबाट ७६ करोड १२ लाख ५५ हजार र अन्तःशुल्कबाट ३७ करोड ३६ लाख १७ हजार राजस्व संकलन गरिएको थियो।
प्रमुख कर अधिकृत रिजालले मूल्य अभिवृद्धि कार र अन्तःशुल्कसमेत लक्ष्यअनुसार राजस्व संकलन नभएको बताए। ‘सबै क्षेत्र आर्थिक संकटमा चुलिएको छ’, उनले भने, ‘त्यसको प्रत्यक्ष असर राजस्वमा पनि देखियो।’ जिल्लामा आन्तरिक राजस्व कार्यालयको मुख्य करको स्रोत भनेको उद्योगधन्दा, व्यक्तिगत फार्म र व्यापारी नै रहेका प्रमुख करअधिकृत रिजालले जानकारी दिए।
आर्थिक मन्दीको असर झापामा मात्र नभएर देशभरकै आन्तरिक राजस्व कार्यालयमा परेको उनको भनाइ थियो। उक्त कार्यालय मातहत ५४ हजार बढी करदाता छन्।
रासस
तीन महिनामा १६ अर्ब बढीको बिजुली भारत र बंगलादेश निर्यात
नीतिगत दरले बैंकको ब्याजदेखि बजारसम्म कसरी असर गर्छ?
मुद्रास्फीतिको दबाबले सर्वसाधारणको जीवनमा कस्तो असर पर्छ?
३ हजारको सामान किनेकी सन्तमायाले जितिन् १० लाख, १ लाख जित्ने १६ जना को? [सूची]
१० लाखमाथिको कारोबारमा सेबोनको निगरानी, लगानीकर्ताको विवरण र रकमको स्रोत जाँचिने
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
