काठमाडौँ: सरकारी कर्मचारीहरूले दशैँअगाडि नै तलबभत्ता पाउने भएका छन्। सरकारले आइतबारदेखि रोकिएको भुक्तानी प्रक्रिया पुन: सुचारु गरेको हो।
भुक्तानी सुरु भैसकेकाले कर्मचारीहरूले दशैँअगाडि नै तलबभत्ता पाउने अर्थमन्त्रालयका प्रवक्ता टंकप्रसाद पाण्डेले जानकारी दिए। उनका अनुसार राजस्व संकलन पनि सामान्य बन्दै गएको छ।
गत भदौ २४ गतेको आन्दोलन र सरकारी निकायमा भएको तोडफोड एवं आगजनीपछि कर्मचारीको तलब के हुन्छ भन्ने अन्योल थियो।
कर्मचारीको तलब दशैँअगाडि नै भुक्तानी हुने भए पनि निर्माण व्यवसायीको भुक्तानी के हुन्छ भन्ने भने अझैँ अन्योल छ।
