विकसित राजनीतिक घटनाप्रति आईएमएफको चासो, ईसीएफको छैटौँ प्रतिवेदन बोर्ड बैठकमा पेस हुुँदै

काठमाडौँ: अर्थमन्त्री रामेश्वर खनालले अन्तर्राष्ट्रिय मुद्रा कोष(आईएमएफ) सुझावमा कार्यान्वयनमा रहेका आर्थिक सुधारका कार्यक्रमलाई थप तीव्रता दिने बताएका छन्।

कोषको सहयोगमा कार्यान्वयन भैरहेको विस्तारित कर्जा सुविधा (एक्सटेन्डेड क्रेडिट फ्यासिलिटी) को अवस्था समीक्षा गरी यसको छैटौं प्रतिवेदन छिट्टै कोषको बोर्ड बैठकमा पेश गर्ने विषयमा छलफल भएको अर्थ मन्त्रालयका प्रवत्ता तथा सहसचिव टंकप्रसाद पाण्डेले बताए।

कोषका नेपाल मिसन प्रमुख जहन सरावतबीच सोमबार भएको भर्चुअल बैठकलाई सम्बोधन गर्दै अर्थमन्त्री खनालले आर्थिक सुधारलाई थप तीव्रता दिने विषयमा छलफल भएको छ। बैठकमा मिशन प्रमुख सरावतले हालै नेपालमा विकसित राजनीतिक घटनाक्रमले अर्थतन्त्रमा पार्नसक्ने प्रभाव र आर्थिक सुधारका कार्यक्रमहरुको निरन्तरताका विषयमा अर्थमन्त्री खनालसँग छलफल गरेको उनले प्रवत्ता पाण्डेले जानकारी दिए।

उक्त छलफलमा अर्थमन्त्री खनालले विशिष्ट परिस्थतिमा गठन भएको सरकारको मुख्य कार्य जिम्मेवारी तोकिएको समयमा प्रतिनिधि सभाको निर्वाचन सम्पन्न गर्नु रहेको र हालै जेन्जी युवाहरुको नेतृत्वमा भएको प्रदर्शनका क्रममा व्यक्त भएको सुशासन र स्वदेशमा नै रोजगारी सिर्जना गर्ने विषयमा सरकार कटिबद्ध रहेको जानकारी गराएका छन्।

कोषका मिशन प्रमुख जहानले नेपालमा आर्थिक सुधारका कार्यक्रममा नयाँ सरकारसँग मिलेर काम गर्न तयार रहेको जानकारी गराएका छन्।