जिली एक्स फाइभमा एप्पल कारप्ले र एन्ड्रोइड अटोले स्मार्ट ड्राइभिङ अनुभव

काठमाडौँ: नेपालमा बिक्री हुँदै आएको जिली एक्स फाइभ विद्युतीय एसयूभीमा एप्पल कारप्ले र एन्ड्रोइड अटो कनेक्टिभिटी सुविधा दिइरहेको छ। स्मार्टफोनसँग सिधा एकीकरण हुने यी फिचरले जिली एक्स फाइभलाई नेपालमा उपलब्ध स्मार्ट कनेक्टिभिटीयुक्त विद्युतीय सवारीमध्ये एक बनाएको छ।

एप्पल कारप्ले र एन्ड्रोइड अटोमार्फत चालकले आफ्नो मोबाइल फोनलाई गाडीको इनबिल्ट टचस्क्रिन डिस्प्लेसँग सहज रूपमा कनेक्ट गर्न सक्छन्। सिरी वा गुगल असिस्टेन्ट प्रयोग गरी ह्यान्ड्स–फ्री भ्वाइस कमाण्डमार्फत कल गर्न, सन्देश पठाउन तथा मार्ग निर्देशन लिन सकिने भएकाले ड्राइभिङका क्रममा सुरक्षा र ध्यान केन्द्रित गर्न सहयोग पुग्ने बताइएको छ।

यी फिचरले स्मार्टफोनको परिचित इन्टरफेसलाई गाडीको स्क्रिनमा मिरर गर्ने भएकाले गुगल म्याप्स, एप्पल म्याप्स, वेज, स्पोटिफाइ, एप्पल म्युजिक र मेसेजिङ एपहरू सजिलै प्रयोग गर्न सकिन्छ। ठूला आइकन, स्पष्ट लेआउट र टचस्क्रिन तथा स्टीयरिङ ह्विल कन्ट्रोलसँगको एकीकृत प्रणालीले प्रयोग अनुभवलाई सहज बनाएको छ।

सामान्य ब्लुटुथ कनेक्टिभिटीको तुलनामा एप्पल कारप्ले र एन्ड्रोइड अटोले संगीत र पोडकास्टका लागि राम्रो अडियो क्वालिटी प्रदान गर्ने बताइएको छ। साथै, वास्तविक समयको ट्राफिक अपडेट, सुरक्षित कल तथा नोटिफिकेसन व्यवस्थापन जस्ता सुविधाले दैनिक सहर ड्राइभिङदेखि लामो हाइवे यात्रासम्म उपयोगी बनाएको छ।

नेपालका लागि जिली एक्स फाइभको आधिकारिक वितरक लक्ष्मी ई–मोबिलिटीका अनुसार ग्राहकको प्रयोग अनुभवलाई ध्यानमा राखेर कनेक्टिभिटी फिचरहरू सफ्टवेयरमार्फत सहज रूपमा सञ्चालन हुने व्यवस्था गरिएको छ। कम्पनीका अनुसार हालसम्म बिक्री भएका सबै जिली एक्स फाइभ सवारीसाधनमा यी सुविधा सक्रिय अवस्थामा रहेका छन्।

गत वर्ष नाडा अटो शोमार्फत सार्वजनिक भई २०८० साउन १९ गते नेपालमा लन्च भएको जिली एक्स फाइभ आधुनिक डिजाइन, प्रिमियम इन्टेरियर, उन्नत सुरक्षा प्रणाली र प्रभावकारी विद्युतीय कार्यक्षमताका कारण नेपाली बजारमा लोकप्रिय बन्दै गएको छ।

एप्पल कारप्ले र एन्ड्रोइड अटो जस्ता स्मार्ट कनेक्टिभिटी फिचरसँगै जिली एक्स फाइभले आराम, सुरक्षा र प्रविधिको संयोजन प्रस्तुत गर्दै नेपालमा उपलब्ध फिचर–सम्पन्न विद्युतीय सवारीमध्ये आफ्नो स्थान मजबुत बनाउँदै गएको छ।