दलका हावादारी घोषणापत्रः १० प्रतिशत आर्थिक वृद्धि गर्न कहाँबाट आउँछ एक खर्ब डलर?
नेपाल क्लिक्स
अबका केही दिनमा चुनावी घोषणा पत्रहरुको लस्कर लाग्ने छ। विगतमा झैं सुशासन र भ्रष्टाचार नियन्त्रण सबै पार्टीका एजेण्डा बन्ने छन।
कम्तिमा पनि भोली संसदमा सबै पार्टीहरुले घोषणा गरेका प्रतिबद्दताको १० प्रतिशतमा मात्र राष्ट्रिय एकता गर्न सके सुशासन सम्बन्धी धेरै समस्या समाधान गर्न सकिने थियो।
तर, वास्तविकता अली फरक छ। नेपालमा घोषणापत्र घोषणाका लागी मात्रै गरिने अनि निर्वाचनका् भोलीपल्ट डस्ट बिनमा फालिने वा फेरी ती घोषणा पत्र हेर्न नपर्ने चलन बसेकाले होला, घोषणापत्रमा बहस पनि हुँदैन र बहस गर्नेहरु पनि आउट अफ टच वा काम न काजका सोघोषित विद्धान जस्ता लाग्छन।
पुराना पार्टीहरुले बदलिएको परिस्थितिमा धेरै सुशासन दिने, भ्रष्टाचार नियन्त्रण गर्ने अनि धुमधाम विकास गर्ने बाचा वा कार्यक्रमका लिस्ट ल्याए पनि जनताले सजिलै पत्याउने अवस्था छैन। जस्तो कि नेकपाका निम्न घोषणा पत्रका बुँदाहरु हेर्दा यस अघिका निर्वाचनमा घोषणा गरे कै बुँदा दोहोरिएका छन।
नेपाली कांग्रेसको नयाँ नेतृत्वलाई पनि यो पालीको घोषणापत्र कार्यान्वयन हुन्छ। अनि कार्यान्वयन गर्न सकिने खालको छ भनेर जनतालाई आश्वस्त पार्ने चुनौति अझै छ।
वर्षौदेखी चुनावमा एउटा वाचा गर्ने (जस्तो कि भ्रष्टाचारीको अनुहार पनि नहेर्ने भन्ने) तर, त्यसपछि जे जे मन लाग्छ गर्ने भएर होला जेनजी आन्दोलनपछिको यो निर्वाचनमा अनुहार नयाँ हुनु पर्यो पुरानाले बिगारेको सपार्न, एजेण्डा वा चुनावी वाचा तपसिलका कुरा भन्ने धेरैमा यहसास देखिन्छ।
नेकपाको घोषणापत्रमा लेखिएको ूआगामी पाँच वर्षभित्र दोहोरो अंकको अर्थात १० प्रतिशत भन्दा माथिको आर्थिक वृद्धि दर हासिल गने् भन्ने कुरालेले अर्थतन्त्रमा चासो हुने म जस्ताको ध्यान तान्ने नै भयो।
लेख्न जे लेखिदिए पनि भयो, घोषणा न हो। यो कुरा घोषणापत्रमा हालौं भन्नेलाई समेत बिश्वास नभए पनि घोषणा न हो, ठूलै गरौं भन्ने भा होला।
३/४ प्रतिशत आर्थिक वृद्धि भएको नेपालको वर्तमान अवस्थामा सरसर्ती हिसाब गर्दा आगामी पाँच वर्षमा १० प्रतिशतको आर्थिक वृद्धि हासिल गर्न नेपाललाई स्वदेशी र विदेशी गरेर ७५ अर्बदेखी खर्र्ब डलर (१०८ देखी १४४ खर्ब नेपाली रुपैया) लगानी चाहिन्छ। १६/१७ खर्ब रुपैयाँको हाम्रो वार्षिक बजेट छ।
सार्वजनिक, निजी, स्वदेशी र विदेशी गरेर लगानी पाँच गुणा जतिले बढाउन सके मात्रै १० प्रतिशतको आर्थिक वृद्धि सम्भब छ।
विदेशी लगानी त एफएटिएफको ग्रे लिस्ट र नेपालको राजनीतिक अस्थिरता आदिले तान्न गार्हो छ। तर, स्वदेशी लगानी पनि बैंकमा पैसा थुप्रिएर राष्ट बैकले तरलता व्यवस्थापन गर्न पैसा तानेको तानै छ भने बैंकहरुमा पैसा थुप्रिएर पनि ॠण लिएर लगानी गर्नेहरु तयार छैनन्।
(विश्लेषक अंगराज तिमिल्सिनाको फेसबुकवालबाट)
निजी क्षेत्रलाई विद्युत व्यापारमा अवसरः ऊर्जा क्षेत्रमा ठूलो नीतिगत प्रस्थान
नेप्सेलाई रणनीतिक साझेदार चाहिन्छ, ब्रोकरलाई पुँजीअनुसार सेवा
उद्यमीहरूलाई ढुक्कसँग लगानी गर्न दिन सक्ने स्थिर नीति र वातावरण चाहिएको छ
‘सेयर बजारलाई खरिदबिक्रीमा मात्रै सीमित राख्न हुन्न, व्यापक सुधार आवश्यक छ’
प्रधानमन्त्रीले भारत भ्रमणमा उठाउनुपर्ने ऊर्जा क्षेत्रका सात एजेन्डा
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
