कथा सुनाउनुहोस्, पल्सर बाइक जित्नुहोस्

काठमाडौं: पल्सर मोटरसाइकलको २५ वर्षे यात्रा पूरा भएको अवसरमा बजाज ग्लोबलले ‘मेरो पल्सर कथा’ नामक विश्वव्यापी अभियान सुरु गरेको छ। अभियानमार्फत नेपालसहित विश्वभरका पल्सर राइडरहरूलाई आफ्ना वास्तविक र प्रेरणादायी अनुभव साझा गर्न आह्वान गरिएको छ।

पल्सर नेपाल पनि अभियानमा सहभागी भएकाले नेपाली राइडरहरूले भिडियो, तस्बिर, सङ्गीत वा कृत्रिम बुद्धिमत्ता (एआई) आधारित सामग्रीलगायत जुनसुकै सिर्जनात्मक माध्यमबाट पल्सरसँग जोडिएका आफ्ना अनुभव प्रस्तुत गर्न सक्नेछन्।

छनोट भएका उत्कृष्ट सामग्रीहरू पल्सरका अन्तर्राष्ट्रिय सामाजिक सञ्जालमार्फत सार्वजनिक गरिने कम्पनीले जनाएको छ।

अभियानअन्तर्गत प्रत्येक हप्ता छनोट हुने विजेताले ५०० अमेरिकी डलर बराबरको उपहार प्राप्त गर्नेछन्। साथै, सहभागी प्रत्येक देशबाट एक जना भाग्यशाली राइडरले पल्सर एनएस ४०० जेड मोटरसाइकल जित्ने अवसर पाउनेछन्।

अभियान २०२६ सेप्टेम्बर ४ सम्म सञ्चालन हुनेछ। सहभागी हुन इच्छुक राइडरहरूले पल्सरसँग जोडिएको आफ्नो अनुभव ‘मेरो पल्सर कथा’ (#MyPulsarStory) ह्यासट्यागसहित @mypulsarofficial र @pulsarnepal लाई ट्याग गरेर सामाजिक सञ्जालमा सार्वजनिक गर्नुपर्नेछ।