विश्वभर ब्रान्ड बनेको वाईवाईविरुद्ध आफ्नै देशमा प्रोपागान्डा भयो : निर्वाण चौधरी

काठमाडौँ- चौधरी ग्रुपका निर्देशक निर्वाण चौधरीले वाईवाई चाउचाउ विश्वभर लोकप्रिय ब्रान्ड बन्दै जाँदा आफ्नै देशभित्र नियोजित प्रोपागाण्डा चलाइएको आरोप लगाएका छन्।

सोमबार एक्स (ट्विटर)मा एक पोस्ट गर्दै उनले यस्तो आरोप लगाएका हुन्।

विश्वभर ४० देशमा यसको ब्राण्ड बनिसकेको र अन्य देशमा फैलिँदै गरेको अवस्थामा आईपीओ खुलाउने निर्णय गरेपछि आक्रमण सुरु भएको उनको भनाइ छ।

चौधरी ग्रुप आफ्नो गुणस्तर र प्रमाणित मापदण्डप्रति दृढ रहेको भन्दै नेपाली पहिचानको रुपमा विश्वव्यापी ब्राण्ड बनेको वाई वाईलाई बदनाम गर्ने प्रवृत्तिको भ्रममा नपर्न उपभोक्तालाई आग्रह समेत गरेका छन्।

ट्विटरमा उनले लेखेका छन्-

वाईवाई, नेपालको गौरव र विश्वभर ४० देशहरूमा प्रिय ब्राण्ड बनिसकेको छ र यो अझै विश्वका अन्य देशहरुमा फैलिँदै गएको छ।

हालै जब हामीले आईपीओमा जाने घोषणा गर्यौँ, त्यसपछि वाइवाइ ब्रान्डलाई बदनाम गर्ने प्रयासस्वरुप केही गलत हर्कतहरु भइरहेका छन् भन्नेमा कुनै शंका छैन। चौधरी समूहविरुद्ध झूटा प्रचार गर्ने प्रवृत्तिहरू देखिएका छन्। जसमा वाइ वाइलाई निशाना बनाइएको छ।

हामीले पटक पटक भनेका छौंँ कि वाइ वाइले उच्चतम गुणस्तरीय मापदण्डहरू पूरा गर्दै उपभोक्ताको स्वास्थ्यप्रति सदैव गम्भीर छ। खाद्य प्राविधिज्ञहरूले वाइ वाइको गुणस्तर नियमित जाँच गर्ने गरेका छन्।

अचम्मकै कुरा भन्नुपर्छ, वाइवाइ विश्वभर लोकप्रीय नेपाली स्वादका रुपमा स्थापित हुँदै जादा हाम्रो आफ्नै देशमा किन यस्तो प्रोपागान्डा किन हुन्छ? हामी आफ्नो गुणस्तर र प्रमाणित मापदण्डप्रति दृढ छौं।

नेपाली पहिचानकै रुपमा विश्वव्यापी ब्राण्डलाई बदनाम गर्ने प्रवृत्तिबाट कसले के प्राप्त गर्छ, त्यो उनैले जानून। त्यसैले आम उपभोक्तालाई भ्रममा नपर्न आग्रह गर्दछौं र यदि कसैलाई हाम्रा कारखानामा भ्रमण गर्न मन भए स्वागत गर्दछौं।

<blockquote class=”twitter-tweet”><p lang=”ne” dir=”ltr”>वाई वाई, नेपालको गौरव र विश्वभर ४० देशहरूमा प्रिय ब्राण्ड बनिसकेछ र यो अझै विश्वका अन्य देशहरुमा फैलिदै गएको छ । हालै जब हामीले आईपीओमा जाने घोषणा गर्यौ, त्यसपछि वाइ वाइ ब्राण्डलाई बदनाम गर्ने प्रयासस्वरुप केही गलत हर्कतहरु भइरहेका छन् भन्नेमा कुनै शंका छैन । चौधरी समूहविरुद्ध…</p>&mdash; Nirvana Chaudhary (@BeingNirvana) <a href=”https://twitter.com/BeingNirvana/status/1784791553187205295?ref_src=twsrc%5Etfw”>April 29, 2024</a></blockquote> <script async src=”https://platform.twitter.com/widgets.js” charset=”utf-8″></script>