अनलाईनबाट झण्डै एक करोड ठग्ने यादव पक्राउ

काठमाडौं – महोत्तरी सोनमा गाउँपालिका-८ का २२ वर्षीय रोहित रन्जन यादवलाई अनलाइनबाट झण्डै एक करोड रुपियाँ ठगीको आरोपमा पक्राउ गरिएको छ। यादवलाई प्रहरीले भक्तपुर सूर्यविनायक नगरपालिका-८ बाट पक्राउ गरेको हो।

पक्राउ गरिएका यादव थाइल्याण्डमा बसोबास गर्ने एलेन अरबि श्रेष्ठको मृत्युको बहाना बनाएर ठगीको योजनामा संलग्न भएका थिए। यादवले  श्रेष्ठको नाममा थाइल्याण्डस्थित Siam कमर्सियल बैंकको खातामा ८५ लाख अमेरिकी डलर रहेको छ र यदि उत्तराधिकारीको नाममा रकम निकाल्न अनुमति दिएमा ठूलो रकम प्राप्त गर्न सकिने प्रलोभन दिएर विभिन्न व्यक्तिलाई ठगेको आरोप छ।

उनले यही तरिका अपनाएर विभिन्न व्यक्तिहरूलाई फसाएर ९९ लाख ६४ हजार ७ सय नेपाली रूपैयाँ रकम ठग्न सफल भएका थिए। ठगीको योजनालाई बिस्तारमा जान्न र अपराधको स्पष्टता पत्ता लगाउन काठमाडौं उपत्यका अपराध अनुसन्धान कार्यालय टेकुले यादवलाई पक्राउ गरी थप अनुसन्धानका लागि जिल्ला प्रहरी परिसर काठमाडौं भद्रकाली पठाएको छ।

यो घटनामा संलग्न यादवलाई कानूनी कारबाहीको प्रक्रिया पूरा गर्नका लागि जिल्ला प्रहरी परिसर काठमाडौंले आवश्यक कदम चाल्दैछ। प्रहरीका अनुसार ठगीको घटनामा संलग्न अन्य व्यक्तिहरूको खोजी कार्य पनि जारी रहेको छ।