सार्वजनिक यातायातमा एकमुष्ठ कर प्रणाली लागू गुर्नपर्छ : मन्त्री काफ्ले

हेटौँडा- बागमती प्रदेश सरकारका आर्थिक मामिला तथा योजना मन्त्री कुन्दनराज काफ्लेले सार्वजनिक सवारी साधनको हकमा एकमुष्ठ कर प्रणाली लागू गर्नुपर्ने बताएका छन्।

बिहीवार हेटौँडामा आयोजित लोकतान्त्रिक यातायात व्यवसायी संघको बागमती सम्मेलनमा बोल्दै नेपाली कांग्रेसका केन्द्रीय सदस्यसमेत रहेका मन्त्री काफ्लेले एकमुष्ठ कर प्रणालीमा समेट्न नसके यातायात क्षेत्रमा सुधार गर्न नसकिने बताएका हुन्।

‘सार्वजनिक यातायातमा विद्यार्थीलाई भाडादर छुटको व्यवस्था विद्यार्थी आन्दोलनको बलमा स्थापीत भएको हो,’ उनले भने, ‘यो शतप्रतिशत कार्यान्वयन हुनुपर्छ। त्यसैले यस क्षेत्रमा देखिएका हरेक समस्या समाधानका लागि सकारात्मक रूपमा काम गर्न मेरो मन्त्रालय तयार छ।’

सार्वजनिक सवारीसाधनको न्यूनतम मापदण्ड तोकिनुपर्ने र लोकतन्त्रमा समस्याको समाधान घटना घट्नुभन्दा सम्भावित घटनाको परिकल्पना गरेर त्यसलाई न्युनिकरण गर्नेतर्फ सरकार लाग्नुपर्नेमा उनले जोड दिए।