साफ च्याम्पियनसिपको लागि नेपालको प्रारम्भिक टोली घोषणा

काठमाडौं – भारतमा अगामि असारमा आयोजना हुने साफ च्याम्पियनसिपको लागि राष्ट्रिय फुटबल टिमको लागि प्रारम्भिक टोली घोषणा भएको छ। नेपाली राष्ट्रिय फुटबल टिमका मुख्य प्रशिक्षक भिनसेन्जो अल्बर्टो एनेसले हिजो मंगलबार ३० सदस्यीय टोली घोषणा गरेका हुन्।

प्रतियोगिता आगामी असार ६ गतेबाट भारतको बैंगलोरमा आयोजना हुँदैछ। प्रतियोगिताअघि नेपालले मैत्रीपूर्ण खेल खेल्ने योजना समेत रहेको छ। त्यसैले सो प्रतियोगिता र मैत्रीपूर्ण खेलको लागि नेपाली टिम घोषणा भएको हो। बैंगलोरमा हुने १४औं संस्करणको साफ च्याम्पियनसिपमा नेपाल घरेलु टोली भारतसँगै पाकिस्तान र कुवेतसँग समूह ए मा छ।

फिफाको विश्व वरियतामा भारत र कुवेत नेपालभन्दा अघि रहेका छन्। पाकिस्तान भने नेपालभन्दा पछि रहेको छ। त्यसैले नेपाली टिमको लागि यो साफ निकै अप्ठ्यारो हुने अनुमान गरिएको छ।

साफको समूह बीमा माल्दिभ्स, बंगलादेश, भुटान र लेवनोन छन्।

यस्तो छ नेपाली प्रारम्भिक टोलीः

गोलकिपर: किरण कुमार लिम्बु, दिप कार्की, विशाल श्रेष्ठ

डिफेन्डर: बिमल पाण्डे, सनिस श्रेष्ठ, अनन्त तामाङ, देवेन्द्र तामाङ, निशान्त खड्का, आशिस गुरुङ, विक्रम लामा, रोहित चन्द, सिमान्त थापा, एन्जल महर्जन

मिडफिल्डर: पुजन उपकरोटी, एरिक विष्ट, नविन लामा, मणि कुमार लामा, सुदिप गुरुङ, लाकेन लिम्बु, आवास लामिछाने, विशाल तामाङ

फरवार्ड: आयुष घलान नवयुग श्रेष्ठ, दिपक राज सिंह ठकुरी, अन्जन विष्ट, मनिष डाँगी, आशिष चौधरी, विमल घर्ती मगर, जिलेस्पी जंग कार्की, दिनेश हेम्जन