एमाले सचिवालय बैठकले के-के गर्‍यो निर्णय?

बैठकपछि ज्ञवालीले भने- ‘दसौँ राष्ट्रिय महाधिवेशनमा नभएका र पछि केन्द्रीय कमिटी अथवा केन्द्रीय निकायमा आउनुभएका साथीहरु आयोजकका हिसाबले जानुहुन्छ, तर उहाँहरु विधान महाधिवेशनको प्रतिनिधि चाहिँ बन्नु हुन्न, विधान महाधिवेशनको प्रतिनिधि भनेको जो दसौँ राष्ट्रिय महाधिवेशनको प्रतिनिधिहरु हुुनुहुन्थ्यो, उहाँहरु मात्रै हुने विधानमै व्यवस्था छ ।’

एमालेमा फर्किएकी पूर्वराष्ट्रपति विद्यादेवी भण्डारीलाई विधान अधिवेशनमा सहभागी हुनबाट रोक्न सचिवालय बैठकले यो निर्णय गरेको हो।

सचिवालय बैठक मध्यरातसम्म चलेपछि एमालेको शुक्रबार आयोजना भएको पोलिटब्युरो बैठक दिउँसो १ बजेका लागि सरेको छ।

सचिवालय बैठकमा पदाधिकारी संख्या घटाउने प्रस्ताव पनि ल्याइएको थियो। उपाध्यक्ष पौडेलले पदाधिकारी संख्या घटाउने प्रस्ताव ल्याएका हुन्। प्रस्तावमा वरिष्ठ उपाध्यक्ष हटाइएको छ।

प्रथम विधान महाधिवेशनबाट एमालेमा वरिष्ठ उपाध्यक्षको व्यवस्था ल्याइएको थियो जसमा हाल ईश्वर पोखरेल छन्। तर अब वरिष्ठ उपाध्यक्ष हटाएर उपाध्यक्ष, उपमहासचिव र सचिवको संख्या पनि घटाउने प्रस्ताव गरिएको छ । प्रस्तुत प्रस्ताव अनुसार अध्यक्ष १, उपाध्यक्ष ३, महासचिव १, उपमहासचिव १ र सचिव ५ रहनेछन्।