क्लबहरु असन्तुष्ट बनेपछि राष्ट्रिय टिमको बन्द प्रशिक्षण स्थगित

काठमाडौं – अखिल नेपाल फुटबल संघ एन्फाले बिहीबार एक सूचना जारी गर्दै नेपाली राष्ट्रिय फुटबल टिमको बन्द प्रशिक्षण स्थगित गरेको जानकारी दिएको छ। अहिले सहिद स्मारक ए डिभिजन लिग खेलिरहेका क्लबले खेलाडी रिलिज नगर्ने भएपछि एन्फाले प्रशिक्षण स्थगीत गर्ने जानकारी दिएको हो।

भारतमा आउँदो मे १७ देखि आयोजना हुने १४ औं संस्करणको पुरुष साफ च्याम्पियनसिप त्यसअघि फिलिपिन्ससँगको मैत्रीपूर्ण खेलका लागि गएको बिहीबारबाट राष्ट्रिय टिमको प्रशिक्षण सुरु भएको थियो।

तर, ए डिभिजन लिग खेलिरहेका १० क्लबले लिग सकिएपछि मात्र आफ्ना खेलाडीलाई राष्ट्रिय टिमको बन्द प्रशिक्षणमा पठाउने भन्दै बिहीबार नै पत्रकार सम्मेलन गरेर जानकारी दिएका थिए।

अब दशरथ रंगशालमा आजको लागि आयोजना गरिएको प्रशिक्षण आयोजना हुने र प्रशिक्षणका बाँकी कार्यक्रम पछि लिग सकिएपछि हुने एन्फाले जानकारी दिएको छ।

साथै ए डिभिजन क्लबहरुले तयारी खर्चका साथै आफूले पाउनुपर्ने आधा दर्जन जति शीर्षकका पैसा नपाएको भन्दै लिग आयोजक र एन्फाको विरोध पनि गरेका छन्।

क्लबले अबका खेलहरुमा कालो पट्टी बाधेर एन्फाको विरोध गर्दे खेल खेल्ने जानकारी दिएको हो।

नेपालको प्रारम्भिक टोलीः

गोलकिपरः किरण चेम्जोङ, दीप कार्की, विशाल श्रेष्ठ

डिफेन्डरः विमल पाण्डे, सनिश श्रेष्ठ, अनन्त तामाङ, देवेन्द्र तामाङ, निशान्त खड्का, आशिष गुरुङ, विक्रम लामा, रोहित चन्द, सिमान्त थापा, अन्जल महर्जन

मिडफिल्डरः पुजन उपरकोटी, एरिक विष्ट, नवीन लामा, मणिकुमार लामा,सुदीप गुरुङ, लाकेन लिम्बु, आभास लामिछाने, विशाल तामाङ

फरवार्डः आयुष घलान, नवयुग श्रेष्ठ, दिपक राज सिंह ठकुरी, अन्जन विष्ट, मनिष डाँगी, आशिष चौधरी, विमल घर्ती मगर, जीलेस्पी जंग कार्की, दिनेश हेञ्जन