नेपाल क्लिक्स
काठमाडौँ: अर्थमन्त्रालयले धमाधम आगामी आर्थिक वर्ष २०८३/८४ का लागि बजेट लेखनको कार्य गरिरहेको छ। मन्त्रालय प्रवेशमा कडाइ गरेर बजेट छलफलसम्बन्धी कार्य चलिरहेको मन्त्रालयले जनाएको छ।
मन्त्रालयमा यसअघि दुईतर्फबाट प्रवेश गर्न मिल्ने व्यवस्था रहेकोमा अहिले दक्षिणतर्फको ढोका बन्द गरेर उत्तरतर्फको ढोका मात्रै खुला गरिएको छ। सूचना टाँसेर उत्तरतर्फको मूलढोका प्रयोग गर्न सेवाग्राहीलाई आग्रह गरिएको छ। उत्तरतर्फको प्रवेश ढोकामा पनि सुरक्षाकर्मी खटाएर सुरक्षा व्यवस्था कडाइ गरिएको छ।
यसअघिका वर्षहरूमा पनि बजेट लेखनका क्रममा अर्थमन्त्रालयमा आवतजावतमा कडाइ गर्ने गरिएको थियो।
गत चैत २० गते अर्थमन्त्री डा. स्वर्णिम वाग्लेले बजेट निर्माणका लागि चार अनुभवी सहसचिवहरू रहेको बजेट लेखन समिति गठन गरेका थिए।
समितिमा सहसचिवहरू डा सुमन दाहाल, डा धनीराम शर्मा, महेश भट्टराई र सेवन्तक पौडेल रहेका छन्।
राष्ट्रिय स्वतन्त्र पार्टी (रास्वपा)का सभापति रवि लामिछानेले निर्वाचनअगावै वाग्लेलाई अर्थमन्त्रीका रूपमा अघि सार्दै बजेट लेखन थाल्न भनेका थिए। गत फागुन २१ गते सम्पन्न निर्वाचनमा रास्वपाले १८२ सिट जितेको थियो। तनहूँ १ बाट वाग्ले २१ हजार ८०९ मतान्तरले नेपाली कांग्रेसका गोविन्द भट्टराईलाई पराजित गर्दै निर्वाचित भएका थिए।
सबै विषयगत मन्त्रालयले यही आफ्ना योजना तथा कार्यक्रम प्रस्ताव गरिसकेका छन्।
आगामी आवको बजेटका लागि राष्ट्रिय योजना आयोगले १८ खर्ब ९० अर्बको सिलिङ दिएको छ।
अर्थमन्त्री वाग्लेले जेठ १५ गते आगामी आवका लागि बजेट ल्याउने छन्।
पूर्वाधार सम्मेलनमा १७ अर्ब डलरका परियोजना सोकेश गरिँदै
पूर्वाधारमा राज्यको बजेटले मात्रै पुग्दैन, निजी पुँजीलाई बढाउँछौँ: अर्थमन्त्री
२५ वर्षमा नेपाललाई कहाँ पुर्याउने? बनाइँदैछ ‘नेपाल डेभलपमेन्ट भिजन’
विद्युत् व्यापार गर्न १५ कम्पनीको आवेदन, ११ ले पाए आशयपत्र
धनुषाका गौरीशंकरले जिते १० लाख, १ लाख जित्ने १५ जनामा तपाईँ पनि पर्नुभयो कि? [सूची]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
नेपाल प्रहरी जनताको सेवक हुने कि जनताको त्रासदिमा रमाउने?
केटिएम हस्पिटालिटी तेस्रो वर्षमा, रोयल टुलिपले तिर्न थाल्यो ऋण
सम्पादकीय: टालाटुलीले तंग्रिन्न अर्थतन्त्र, सरकारसँग ‘म्यासिभ इन्भेस्टमेन्ट प्लान’ खै?
प्रसारण र विद्युत व्यापार: निजी क्षेत्रको अग्निपरीक्षा
