काठमाडौँ: वैकल्पिक विकास वित्त परिचालन विधेयक संसद्बाट पारित भएको छ। सांसदले उठाएका प्रश्नहरूको जवाफ प्रधानमन्त्री तथा गृहमन्त्रीले दिनुपर्ने भन्दै प्रतिपक्षी दलहरू नेपाली कांग्रेसन, नेकपा एमाले, नेपाल कम्युनिष्ट पार्टी र श्रम संस्कृति पार्टीले संसद् अवरोध गरेका थिए।
विपक्षी दलहरूले अवरोध गरेपछि सभामुख डोलप्रसाद अर्यालले १५ मिनेटका लागि संसद् स्थगित गरेका थिए।
करिब एक घण्टापछि संसद् पुन: सुचारु भएको थियो। विपक्षी दलले अवरोध जनाएपछि अवरोधकैबीच सभमुख अर्यालले बैठक सञ्चालन गरेका थिए। सोहीक्रममा उनले ‘वैकल्पिक विकास वित्त परिचालन विधेयक, २०८२ को अंग बनेको’ घोषणा गरे।
अर्थमन्त्री डा. स्वणिम वाग्लेलाई विधेयक पारितका लागि प्रस्तुत गर्न अनुरोध गरे। वाग्लेले विधेयक पारितका लागि पेस गरेपछि सभामुख अर्यालले विधेयक निर्णयार्थ प्रस्तुत गरेका थिए।
