भोटेकोसी बाढीले टिमुरेका बैंक शाखामा क्षति, केही कर्मचारी सम्पर्कविहीन
नेपाल क्लिक्स
काठमाडौँः रसुवाको टिमुरे क्षेत्रमा बुधबार बिहान आएको भोटेकोसी नदीको भीषण बाढीले बस्ती तथा भौतिक संरचनासँगै बैंक तथा वित्तीय संस्थाका शाखा कार्यालयमा समेत क्षति पुर्याएको छ।
नेपाल बैंकर्स संघका अनुसार बाढी प्रभावित क्षेत्रमा सञ्चालित विभिन्न बैंकका शाखामा क्षति पुगेको प्रारम्भिक जानकारी प्राप्त भएको छ। यद्यपि, बाढीका कारण सञ्चार सेवा प्रभावित हुँदा शाखा कार्यालय तथा त्यहाँ कार्यरत कर्मचारीसँग सम्पर्क स्थापित गर्न कठिन भइरहेको संघले जनाएको छ।
बाढीको सूचना प्राप्त भएपछि नेपाल बैंकर्स संघले आकस्मिक बैठक बसेर प्रभावित शाखा तथा कर्मचारीको अवस्थाबारे जानकारी संकलन र उद्धारका विषयमा छलफल गरेको थियो। संघले प्रभावित क्षेत्रमा रहेका बैंकका कर्मचारीको उद्धारका लागि सम्बन्धित सरकारी निकायसँग समन्वय तथा अनुरोध गर्ने निर्णय गरेको छ।
संघका अनुसार केही बैंक कर्मचारी अझै सम्पर्कविहीन छन्। सञ्चार सेवा पुनः सञ्चालनमा आएपछि मात्रै शाखा तथा कर्मचारीको अवस्थाबारे थप विवरण प्राप्त हुने अपेक्षा गरिएको छ।
टिमुरे क्षेत्रमा नबिल, लक्ष्मी सनराइज, हिमालयन, एनएमबी, ग्लोबल आइएमई, माछापुच्छ्रे, सानिमा र नेपाल इन्भेस्टमेन्ट मेगा बैंकलगायतका शाखा सञ्चालनमा थिए।
बाढीका कारण बैंकका शाखा कार्यालय, बैंकिङ उपकरण तथा अन्य भौतिक संरचनामा भएको क्षतिको यकिन विवरण भने उद्धार कार्य र सञ्चार सेवा सहज भएपछि मात्र स्पष्ट हुने देखिएको छ।
ऋणको माग सुस्त हुँदा पनि बैंकहरूको नाफा कसरी बढ्यो ४५ प्रतिशत?
एभरेष्ट बैंकको वितरणयोग्य नाफा ३ अर्ब ८७ करोड, खराब कर्जा पनि घट्यो
२२ करोड घाटाबाट १० करोड नाफामा फर्कियो सिटिजन्स बैंक, खराब कर्जा कति?
ग्लोबल आइएमई बैंकको नाफा २ अर्ब ३१ करोड नाघ्यो
एनएमबी बैंकको नाफा २७ प्रतिशत बढ्यो, तीन महिनामा १ अर्ब १६ करोड
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
विश्वको तेल भण्डार १८ खर्ब ब्यारेल, मध्यपूर्वको हिस्सा ४८ प्रतिशत बढी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
