उपनिर्वाचनमा भाग लिने दलले असोज १६ गतेसम्म दर्ता गरिसक्नुपर्ने

काठमाडौँ- स्थानीय तहमा रिक्त पदको उपनिर्वाचनका निम्ति दल दर्ता आह्वान गरिएको छ।

निर्वाचन आयोगले बुधबार दल दर्ताको सूचना प्रकाशन गरेको हो।

आउँदो मंसिर १६ गते हुने उपनिर्वाचन प्रयोजनका निम्ति असोज १६ गतेसम्म राजनीतिक दल दर्ताको समयावधि तोकिएको छ।

आयोगले राजनीतिक दलसम्बन्धी नियमावली ०७४ को अनुसूची–१२ बमोजिमको ढाँचामा निवेदन दिन आह्वान गरेको छ।

स्थानीय तहमा रिक्त प्रमुख, उपप्रमुख, अध्यक्ष, उपाध्यक्ष, वडा अध्यक्ष पदमा निर्वाचन हुनेछन्।

दल दर्ताका लागि निवेदन दिँदा निवेदनमा खुलाउनुपर्ने विवरण तथा पेश गर्नुपर्ने कागजातः-
(क) दल दर्ताका लागि निवेदन दिँदा राजनीतिक दल सम्बन्धी नियमावली, २०७४ को अनुसूची-१२ बमोजिमको ढाँचामा निवेदन,
(ख) दल सम्बन्धी विवरण राजनीतिक दलको पूरा र स‌ङ्क्षिप्त नाम, स्थापना मिति, आयोगमा दर्ता भएको मिति, केन्द्रीय कार्यालयको ठेगाना, पत्राचार गर्ने ठेगाना, टेलिफोन नम्बर, इमेल, वेबसाइट र सामाजिक सञ्जालको खाता,
(ग) दलको केन्द्रीय कार्यकारिणी समिति, प्रदेश र जिल्ला समितिका पदाधिकारी तथा सदस्यको सङ्ख्या,
(घ) आयोग समक्ष दलको वार्षिक लेखापरीक्षण प्रतिवेदन पेश गरेको मिति,
(ङ) दलको केन्द्रीय स्तर र प्रदेश स्तरको कार्यकारिणी समितिको पछिल्लो निर्वाचन भएको मिति,
(च) राजनीतिक दलको केन्द्रीय स्तर र प्रदेश स्तरको सङ्गठनात्मक स्वरूप,
(छ) उपनिर्वाचन प्रयोजनका लागि दल दर्ता गर्न केन्द्रीय समितिबाट भएको निर्णयको प्रतिलिपि,
(ज) आ.व. २०७९/०८० को वार्षिक लेखा परीक्षण प्रतिवेदन पेश गरेको मिति, तर,
(१) आर्थिक वर्ष २०७९/८० मा एकीकरण भई वा गाभिई नयाँ कायम भएका दलले आर्थिक वर्ष २०७९/८० को लेखा परीक्षण प्रतिवेदन पेश गर्दा एकीकरण वा गाभिनुपूर्वका दलको विवरण समेत देखिने गरी तयार गरिएको वार्षिक लेखा परीक्षण प्रतिवेदन,
(२) आर्थिक वर्ष २०८०/८१ मा एकीकरण भई वा गाभिई नयाँ कायम भएका दलले आर्थिक वर्ष २०७९/८० को लेखा परीक्षण प्रतिवेदन पेश गर्दा साविकमा अलग अलग रहेका दलको वार्षिक लेखा परीक्षण प्रतिवेदन,
(झ) आयोगमा दल दर्ताका लागि दिएको निवेदनमा दलको प्रमुख पदाधिकारीको दस्तखत,
(ञ) उम्मेदवारलाई दलको औपचारिक पत्र प्रदान गर्ने गरी पदाधिकारी तोकिएको केन्द्रीय समितिको निर्णय सहित तोकिएको ढाँचामा त्यसरी तोकिएको पदाधिकारीको नाम, थर, पद र सम्पर्क नम्बर सहितको दस्तखत नमुना,
गरेको र यी शर्तहरू पूरा गर्ने प्रतिबद्धता जनाएको पत्र,
(ट) दल दर्ताका लागि निवेदन पेश गर्दा संविधानको धारा २६९ को उपधारा (४) बमोजिमका शर्तहरू पूरा (ठ) दल दर्ताको निवेदन साथ प्रमुख पदाधिकारी वा प्रमुख पदाधिकारीले अधिकार दिएको व्यक्तिले प्रमाणित
गरेको आयोगबाट स्वीकृत रुजु सूची (चेकलिस्ट) । अन्य थप जानकारीका लागि आयोगको सचिवालय वा टेलिफोन नं. ०१-५३२९६४३/०१-५३२३१८२/ ०१-४३२५५८१ मा सम्पर्क राख्न सकिनेछ ।

आयोगको सूचना