३ वर्षभित्र बुटवल–गोरुसिंगे सडक खण्डको स्तरोन्नति गरिसक्ने प्रधानमन्त्रीको घोषणा

काठमाडौँ- प्रधानमन्त्री केपी शर्मा ओलीले आगामी तीन वर्षभित्र बुटवल–गोरुसिङगे सडक खण्ड विस्तार गरिसक्ने घोषणा गरेका छन्।

बुटवल–गोरुसिङ्गे सडक खण्डको स्तरोन्नति कार्यको शिलान्यास कार्यक्रमलाई भर्चुअल माध्यमबाट सम्बोधन गर्दै प्रधानमन्त्री ओलीले यस्तो बताएका हुन्।

उनले सुरुडमार्ग, प्रशासनिक तथा अस्पताल भवन निर्माण र अन्य विकासका कामलाई सरकारले तीव्रता दिने बताएए। विकास निर्माण र पूर्वाधारका हिसाबले अब नेपाल अघि बढिसकेको जिकिर गरे।

सिद्धबाबा सुरुङमार्गको सफलतापूर्वक ब्रेक थ्रु हुनु एक उपलब्धि भएको बताउँदै उनले उच्च संकल्प र आँटका साथ देशको विकास आफैँले गर्नुपर्ने जोड दिँदै उनले यसमा विदेशी सहयोगी हातहरुको पनि साथ लिने स्पष्ट गरे।

प्रधानमन्त्री ओलीले धर्म, जात र अनेक नाममा विभाजन र भ्रम फैलाउन खोज्ने पक्षहरुलाई बेवास्ता गरी एकताबद्ध भई देश बनाउने मार्गमा अग्रसर हुन सबैमा आग्रह गरेका थिए।

कार्यक्रममा उपप्रधानमन्त्रीहरु प्रकाशमान सिंह, विष्णुप्रसाद पौडेललगायतले सम्बोधन गरेका थिए।