अछाम घटना : फोनबाट प्रेम सम्बन्ध, पहिलो भेटमै दुई किशोरीको हत्या

अछाम– अछामको ढकारी गाउँपालिका–१ को छिन्ने जंगलमा मृत भेटिएका १४ वर्षीया इशरा खड्का र १५ वर्षीया सरस्वती खड्काको हत्या भएको खुलेको छ।

शुक्रबार गोठालो गएका दुवै किशोरी बेपत्ता भएपछि खोज्ने क्रममा भोलिपल्ट जंगलमा मृत भेटिएका दुवै जनाको हत्या भएको जिल्ला प्रहरी कार्यालय अछामले जानकारी दिएको हो। ढकारी गाउँपालिका–८ पल्साताकी दुवै किशोरी(फूपूभदै)लाई ढुंगा प्रहार गरी हत्या भएको प्रहरीको निष्कर्ष छ।

घटनापछि जिल्ला प्रहरी कार्यालय अछाम, नेपाल प्रहरीको केन्द्रीय अनुसन्धान ब्युरो (सीआईबी), सुदूरपश्चिम प्रदेश प्रहरी कार्यालय धनगढी र नेपाल प्रहरी प्रदेश कार्यालय महेन्द्रनगरको संयुक्त टोलीले गरेको अनुसन्धानबाट उनीहरूको हत्या भएको खुलेको हो।

हत्या गरेको अभियोगमा ढकारी गाउँपालिकाकै दुई किशोर (६९ मंगलसेन ७३ र ६९ मंगलसेन ७६) लाई प्रहरीले पक्राउ गरेको छ। उनीहरुलाई शनिबार पत्रकार सम्मेलनमार्फत सार्वजनिक गरिएको छ। उनीहरु दुवै नाबालिग भएका कारण नाम सार्वजनिक गरिएको छैन।

दुई किशोरीको हत्याको प्रमुख कारण प्रेम सम्बन्ध भएको प्रहरीले जनाएको छ। मृतक इशरा खड्का र पक्राउ परेका मध्येका एक किशोर ६९ मंगलसेन ७३ बीच लामो समयदेखि फोनमा कुराकानी गर्ने गरेका थिए। उनीहरूको संवाद प्रेम सम्बन्धमा पुगेको थियो। तर भेट्ने मौका भने नपाएको प्रहरीको भनाइ छ।

पक्राउ परेका दुवै किशोर (६९ मंगलसेन ७३ र ६९ मंगलसेन ७६) कोसेली लिएर बिहीबार फूपूको घर पुगेका थिए। फूपुको घर आएको मौकामा इशरासँग भेट गर्ने योजना अनुसार उनीहरुबीच टेलिफोन संवाद भयो। गोठालो गएका बेला छिन्ने जंगलमा भेट्ने तय गरे।

दुवै किशोर घुमफिर गरेर आउने भन्दै शुक्रबार बिहानै फूपुको घरबाट निस्किए। फूपुको छोरा अन्दाजी १० वर्षीय बालकलाई पनि सँगै लिएर किशोरी भेट्न छिन्ने जंगलतर्फ लागेका थिए।

दिउँसो करिब साढे १२ बजे बाख्रा चराउने भन्दै जंगल गएका इशरा र सरस्वतीसँग भेट भयो। इशरा र सरस्वतीसँग दुई किशोर (६९ मंगलसेन ७३, ६९ मंगलसेन ७६) र १० वर्षीय बालकले भेट गरे।

इशरासँग टेलिफोनमा संवाद गर्दै आएका किशोर(६९ मंगलसेन ७३)ले दोपट्टा साटे। उनले सरस्वतीसँग पनि मायाको चिनो दोपट्टा मागेका थिए। तर सरस्वतीले इशराकै सेतो दोपट्टा खोसेर (६९ मंगलसेन ७३)लाई दिएका थिए। तर सरस्वतीले दोपट्टा नदिएपछि ६९ मंगलसेन ७३ले सरस्वतीको एअरफोन खोसेका थिए। उक्त एअर फोन इशराले आफ्नो दाइको भन्दै फिर्ता मागेकी थिइन्।

दुवै किशोरी र दुवै युवक ठूलो ढुङ्गामा दोपट्टा खोसाखोस भएका थिए। यसै क्रममा आपसमा विवाद भएको थियो। सोही समयमा सरस्वती खड्‌का र इशरा खड्‌का निजहरु बसेको ढुङ्गाको तलतिर गएकीमा ईशरा खड्‌का बाख्रा फर्काउन भनि जंगलमा गएकी थिइन्। सरस्वती खड्‌का सोही ढुङ्गाको तलतिर उभिएकी थिइन्। सोही समयमा ६९ मंगलसेन ७६ सरस्वती खड्‌का उभिएको स्थान नजिकै पुगेका थिए।

६९ मंगलसेन ७६ ले सरस्वतीसँग यौन सम्पर्कका लागि प्रस्ताव गरेका थिए। तर सरस्वतीले विवाहको सर्त अघि सारेकी थिइन्। किशोर (६९ मंगलसेन ७६)ले आफ्नो उमेर कम भएकाले ५/६ वर्षपछि मात्र विवाह गर्न प्रस्ताव गरेका थिए। तर किशोरको उक्त शर्त मान्न सरस्वती तयार भइनन्। यसपछि उनी खोलातर्फ लागेकी थिइन्।

आफूलाई यौन सम्पर्क गर्न नदिएको झोँकमा ६९ मंगलसेन ७६ ले सरस्वती खड्‌काको टाउकोमा सरस्वती खड्‌कामाथि प्रहार गरेका थिए। उनी सोही स्थानमा ढलिन्। सोही स्थानमा उनको मृत्यु भएको थियो। तर ६९ मंगलसेन ७६ माथि गएर सरस्वती ढलेको स्थानतर्फ ठूलो ढुंगा लडाइदिएका थिए। यसपछि ढुंगा आयो भाग् भन्दै चिच्याएका थिए।

ढुंगा गुड्न रोकिएपछि यसपछि ईश्वरा खड्‌का सरस्वती ढलेको स्थानमा पुगेकी थिइन्। त्यहाँ पुग्दा सरस्वतीको मृत्यु भइसकेको देखेपछि ‘यो कुरा कसैलाई नभन्नू’ भनी दुवै किशोरले भनेका थिए। तर ईशराले अस्वीकार गरिन्।

इशराले घरतर्फ जान प्रयास गरिन्। दुवै किशोरले हात समातेर रोके। तर नमानेपछि बाटो छेकेर इशराको निधारमा प्रहार गरे। इशरा पनि सोही स्थानमा ढलिन्। तीनै जनाले माथि गएर दुवै जना किशोरीको शव भएको स्थानतर्फ ढुंगा लडाएका थिए।

पछि दुवै जनाको शव सोही स्थानमा छाडेर दुवै किशर भागेका थिए। दुवै युवकलाई अछाम जिल्ला अदालतबाट ५ दिनको म्याद थप भई प्रहरीको निगरानी कक्षमा राखी अनुसन्धान कार्य अघि बढाइएको प्रहरीले जानकारी दिएको छ।

तीन जनाले भीर माथिबाट ढुंगा खसालेको आवाज स्थानीयले सुनेका थिए। उनीहरूको बयानका आधारमा प्रहरीको अनुसन्धान थालेको थियो।

गाउँबाट भाग्ने योजना बनाइरहेको अवस्थामा प्रहरीले आइतबार राति दुवै किशोर पक्राउ परेका थिए। पक्राउ परेकामध्ये १० वर्षीय बालकले अनुसन्धानमा सघाएका कारण उनलाई सरकारी साक्षी राखिएको छ। अन्य दुई जनाविरुद्ध कर्तव्य ज्यान शीर्षकमा मुद्दा दर्ता गर्ने प्रहरीको तयारी छ।