व्यवसायी राजु कंडेल संकटमा, पद्म कोलोनीले ऋण नतिरेपछि जग्गा लिलाम गर्दै प्रभु बैंक

काठमाडौं। पद्मा ग्रुप खडा गरेर व्यवसायिक गतिविधि अघि बढाएका राजुप्रसाद कंडेल हाल गम्भीर वित्तीय संकटमा परेका छन्। पद्म फिल्म हल र टेलिभिजन सञ्चालन गरिरहेका कंडेलले पछिल्ला वर्ष हाउजिङ परियोजना र पाँचतारे होटल सञ्चालनमा ल्याउने महत्वकांक्षी योजना अघि सारेका थिए।

तिनै कंडेलले ऋण नतिरेपछि प्रभु बैंकले पद्म कोलोनी प्रालिको स्वामित्वमा रहेको जग्गा लिलामी प्रक्रिया अघि बढाएको छ। बैंकले व्यसायी कंडेललाई ऋण तिन ३५ दिनको ‘अल्टिमेटम’ दिएको छ।

उक्त समय भित्र ऋण नतिरे बैंकले पद्म कोलोनीको नाममा रहेको जग्गा बेचेर ऋण असूली गर्ने भएको छ। बैंकले मालपोत कार्यालय कलंकीमा दर्ता भएको पद्म कोलोनीको नाममा रहेको डाँडा पौवा रामकोट र स्युचाटारमा रहेको जग्गा लिलाम गर्ने भएको हो।

पटक पटक ताकेता गर्दा पनि ऋण तिर्नतर्फ ध्यान नदिइ आलटाल गरेकाले असूलीका लागि लिलामी प्रक्रिया अघि बढाएको बैंकले स्पष्ट पारेको छ। ३५ दिनभित्र ऋण नतिरे वा नियमित नगरे कर्जा सूचना केन्द्रमा कालोसूचीमा राखी लिलामी प्रक्रिया अघि बढाउने बैंकले चेतावनी दिएको छ।

मेयरलाई घुस दिने व्यवसायी राजु कँडेल संकटमा, ऋण नतिरेपछि जग्गा लिलाम गर्दे सञ्चय कोष

३६ देखि ४२ दिनभित्र बोलपत्र पेश गर्न बैंकले प्रस्ताव आब्हान पनि गरेको छ। ४२ औं दिनमा परेका प्रस्ताव खोल्ने भएको छ।

यसअघि कर्मचारी सञ्चय कोषले उनको जग्गा लिलामीको प्रक्रिया अघि बढाएको थियो। सञ्चय कोषले पद्मा हस्पिटालिटी प्रालिका लागि लिएको ऋण नतिरेपछि नागार्जुन नगरपालिका वडा नम्बर २ ठूलो भयाङमा रहेको २८ सय २ वर्गमिटर जग्गा बोलकबोलमार्फत एकमुष्ठ लिलाम गर्न बोलपत्र आब्हान गरेको थियो।

व्यवसायी कँडेलले पद्मा हस्पिटालिटी सञ्चालनका लागि सञ्चय कोषबाट ऋण लिएका थिए।

कंडेलको पद्मा हस्पिटालिटीको नाममा काठमाडौंको नागार्जुन नगरपालिका २ ठुलो भर्याङमा रहेको ११ वटा कित्ता जग्गा धितोमा राखेर ऋण लिएका थिए।

उक्त जग्गामा कंडेलले पद्म हस्पिटालिटीमार्फत दुई अर्ब ३० करोड रुपैयाँमा दुई सय कोठा भएको पाँचतारे ट्रान्क्विलिटी रोयल होटल सञ्चालन गर्ने योजना बनाएका थिए।

पद्मा हस्पिटालिटको जग्गा बिक्री नभएपछि सञ्चय कोषले निकाल्यो तेस्रो पटक लिलामी

होटल बनाउन एक अर्ब ८४ करोड ८० लाख रुपैयाँ बैंकको ऋण र बाँकी ४४ करोड ५० लाख रुपैयाँ स्वपुँजीबाट जुटाउने उनको योजना थियो। जसमा ८० प्रतिशत बैंकको ऋण र २० प्रतिशत स्वपुँजी हुने गरी लगानी संरचना बनाइएको थियो।

होटल आगामी वर्ष २०२६ को जनवरीमा सञ्चालनमा ल्याउने योजना त्यसबेला कँडेलले सार्वजनिक गरेका थिए।

कँडेल ऋण तिर्न नसकेपछि सांग्रिला डेभलपमेन्ट बैंक पनि सम्पत्ति लिलामीको प्रक्रिया अघि बढाएको थियो।

सांग्रिलाबाट पद्मा कोलोनी हाउजिङ परियोजना बनाउन लिएको कर्जाको साँवा, ब्याज नतिरेको बैंकले जनाएको थियो। पद्मा कोलोनीको दुई हाउजिङ परियोजनामा पाँच अर्ब ६८ करोड रुपैयाँ लगानी हुने बताइएको थियो।

रामकोटको फेज पाँचमा तीन अर्ब ५० करोड र इटहरीको फेज ६ मा दुई अर्ब १८ करोड रुपैयाँ लगानी हुने कम्पनीले जनाएको थियो।

बैंकले पद्मा कोलोनीको नाममा रहेको काठमाडौं रामकोटस्थित २३ कित्ता र ललितपुरको लगनखेलमा रहेको एक गरी कुल २४ वटा कित्ता जग्गा लिलामको प्रक्रिया अघि बढाएको थियो।