नेपाली युवालाई जर्मनीको रोजगारीमा पठाउनेसम्बन्धी आशयपत्रमा हस्ताक्षर
नेपाल क्लिक्स
काठमाडौँ- नेपाली युवाका लागि जर्मनीमा रोजगारीको ढोका खुल्ने भएको छ। श्रममन्त्री शरतसिंह भण्डारी नेतृत्वको प्रतिनिधिमण्डलको जर्मनी भ्रमणका अवसरमा नेपाली श्रमिकलाई जर्मनी पठाउनेसम्बन्धी आशयपत्रमा हस्ताक्षर भएको हो।
नेपालबाट दक्ष श्रमिक पठाउने विषयमा मंगलबार नेपाल र जर्मनीबीच आशयपत्रमा हस्ताक्षर भएको बर्लिनस्थित नेपाली राजदूतावासले जानकारी दिएको छ।
आशयपत्रमा नेपालका तर्फबाट बर्लिनस्थित नेपाली राजदूत रामकाजी खड्का र जर्मनीका तर्फबाट संघीय रोजगार एजेन्सीका अन्तर्राष्ट्रिय मामिला निर्देशक माइकल भान डेर कमनले हस्ताक्षर गरेका छन्।
हस्ताक्षर भएको कार्यक्रममा श्रममन्त्री शरतसिंह भण्डारी र जर्मनीका श्रम तथा सामाजिक सुरक्षासम्बन्धी उपमन्त्री लियोन ग्रेब्सको उपस्थित थिए।
आशयपत्रमा हस्ताक्षर भएसँगै नेपालबाट वैधानिक रुपमा श्रमिक पठाउने विषयमा महत्वपूर्ण कार्यको सुरुवात भएको श्रममन्त्री भण्डारीले बताए।
यद्यपि नेपाली श्रमिकले कहिले जर्मनीको रोजगारी बजारमा जान पाउँछन् भन्ने निर्क्योल भएको छैन। दक्ष आप्रवासी श्रमिक, जर्मन भाषा तथा आवधिक तालिमका विषयमा थप छलफल गरी ढुंगोमा पुग्न दुवै पक्ष सहमत भएका छन्।
जर्मनीकी उपमन्त्री ग्रेब्सले नेपालबाट दक्ष श्रमिक जर्मन श्रमबजारमा आपूर्ति गर्ने विषयमा महत्वपूर्ण सुरुवात भएको बताइन्।
सार्वजनिक वित्तीय व्यवस्थापन सुधार कार्यान्वयन कार्ययोजना सार्वजनिक
राष्ट्रिय यातायात नीति जारी: सार्वजनिक यातायातलाई पूर्ण विद्युतीय बनाउने
भदौदेखि नयाँ बजार व्यवस्थामाथि छलफल हुने, सेबोनले नियमावली तयार गर्दै
अबदेखि बिजुलीमा पनि भ्याट, न्यूनतममा पनि लाग्ने, असारको के हुन्छ?
बैंकहरूले यसपटक पनि पाउलान् कार्भ–आउट सुविधा?
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
