दुई तहका सरकारले एकअर्का विरुद्ध पुलिस पठाएपछि न्युरोडमा तनाव

काठमाडौँ– काठमाडौँ महानगरले फुटपाथ विस्तारका लागि रेखांकन गरेको स्थानमा सडक विभागअन्तर्गतको सडक डिभिजन कार्यालय काठमाडौँले पिच गर्न थालेपछि न्यूरोड क्षेत्रमा तनाव सिर्जना भएको छ।

काठमाडौँ महानगर प्रहरीले पिचको कामलाई रोक्ने प्रयास गरेपछि त्यहाँ तनावको अवस्था सिर्जना भएको हो।

दुवै तहका सरकारले प्रहरीको उपस्थिति बाक्लो बनाएपछि तनाव बढेको थियो। केही क्षण पछि महानगर प्रहरी पछि हटेको थियो।

काठमाडौं महानगरपालिकाले फुटपाथ विस्तारका लागि खनेको सडक सोमबार बिहान सडक विभागले पिच गर्न थालेको थियो।

स्थानीय तह काठमाडौँ महानगर र सडक विभागबीच यो विषयमा आपसी द्वन्द्व बढ्दै गएको छ।

नगर प्रहरी र सडक विभागका अधिकारीहरुबीच त्यहीँ छलफल भइरहेको छ।

डिभिजन सडक कार्यालयले न्युरोडमा फुटपाथ विस्तार नगर्न र भत्काएको सडक पहिलेकै अवस्थामा फर्काउन महानगरपालिकालाई भनेको थियो।

तर महानगरपालिकाले नमानेपछि बिहान डिभिजन सडक कार्यालयको टोलीले आफैं पिच गरिरहेको छ।

ओलीविरुद्ध बालेनको फायर : १० हजार करोडको भ्रष्टाचार लुकाउन अर्को काण्ड ‘मच्चाएको’ आरोप