तेल उत्पादनमा जाजु ग्रुपः रोयल इडेबल आयल सञ्चालनमा ल्याउँदै, भारत निर्यात गर्ने लक्ष्य

काठमाडौं। चाउचाउ उत्पादनमा अग्रणी व्यवसायिक घरना जाजु ग्रुपले खानेतेल उद्योग सञ्चालनमा ल्याउने भएको छ। ग्रुपले सुनसरीको इटहरीमा ९० करोड रुपैयाँ लगानीमा रोयल इडेवल आयल प्रालि सञ्चालनमा ल्याउन लागेको हो।

हाल उद्योगको पूर्वाधार निर्माण भइरहेको छ। उद्योगको दैनिक खानेतेल उत्पादन क्षमता १५० टन हुनेछ। उद्योगले खानेतेल उत्पादन गरेर आन्तरिक खपतका साथै छिमेकी भारतमा निर्यात गर्ने योजना बनाएको छ।

उद्योगमा ६७ करोड ५० लाख रुपैयाँ ऋण र २२ करोड ५० लाख रुपैयाँ ग्रुपको स्वपुँजी(इक्विटी) लगानी हुने भएको छ। ७५ प्रतिशत ऋण र बाँकी २५ प्रतिशत संस्थापकको स्वपँुजी हुने गरी लगानी संरचना बनाइएको छ। ऋण लगानी पनि व्यवस्थापन भइसकेको उद्योगले जनाएको छ। ग्रुपले १५ करोड रुपैयाँ लगानी गरिसकेका छन्।

उद्योगले तेल उत्पादनका लागि आवश्यक तोरी, भटमास र सूर्यमुखी कच्चा खाद्य तेल विदेशबाट आयात गर्ने भएको छ। रोयल इडेबलले सोयाबिन तेल, सूर्यमुखी तेल र तोरीलाई प्रशोधन गरेर तेल उत्पादन गर्नेछ।

उद्योग नेपाल–भारत सीमास्थित सुनसरीको इटहरी निकटताको कारणले रणनीतिक फाइदा प्राप्त गर्ने सक्ने संभावना छ। कम्पनीले भारतीय बन्दरगाहमार्फत कच्चा पदार्थ आयात गर्ने भएकाले सीमा नजिक हुनाले ढुवानी दूरी र लागत घटाउन मद्दत गर्दछ। समग्रमा, प्लान्टको स्थानले आयात र निर्यात दुवै ढुवानी लागत घटाएर कम्पनीको आपूर्ति श्रृंखलालाई बलियो बनाउने संभावना छ।

एसियन थाइफुडको पाँच अर्ब ५३ करोडको चाउचाउ व्यापार, जुस उत्पादन पनि सुरु

उद्योगको अध्यक्ष महेशकुमार जाजु रहेका छन्। जाजु समूहले एसियन थाइफुड्स सञ्चालन गरिरहेको छ। एसियन थाइफूड्सले रमपम, २ पीएम र गुडलाइफलगायत विभिन्न ब्रान्डका चाउचाउ उत्पादन गर्दैै आएको छ।रोयल इडेबल सन् २०२१ मा स्थापना भएको हो।

जाजु ग्रुपले सञ्चालन गरिरहेको एसियन थाइफूड्सको व्यापारमा चमक आएको छ। गत वर्ष उद्योगले रमपम, टु पिएम र प्रीति ब्राण्डका चाउचाउको व्यापार १४ प्रतिशत बढेर पाँच अर्ब ५३ करोड ८० लाख रुपैयाँ पुगेको छ। उद्योगले चाउचाउ व्यापार विस्तार र लगानी विविधिकरण गर्न कपिलवस्तुको तौलिहवामा गत वर्षदेखि नयाँ कारखाना सञ्चालनमा ल्याएको छ।

दक्षिण एसियाली स्वतन्त्र व्यापार सम्झौता (साफ्टा) अनुसार भारतले भन्सार सहुलियत दिएपछि नेपाली खानेतेल उद्योगको व्यापारमा उछाल आएको छ। भन्सार सहुलियतका कारण धमाधम खानेतेल उद्योग खुल्न थालेका छन्। झण्डै आधा दर्जन नयाँ तेल उद्योग पाइपलाइनमा छन्। भारतको भन्सार सहुलियतबाट फाइदा दिन ठूला व्यवसायिक घरनाहरु अहिले तेल उद्योगमा लगानी बढाइरहेका छन्।

६८ करोड लगानीमा कञ्चनपुरमा खानेतेल उद्योग बन्दै, दैनिक २०० टन उत्पादन गर्ने

भारतको भन्सार सहुलियतले धमाधम तेल उद्योग खुल्दै, बारामा भाइटल आयल सञ्चालनमा आउने

चितवनमा रोयल रिफाइनरी तेल उद्योग आउँदै भारत निर्यात गर्ने लक्ष्य