सूर्यदर्शनबाट ठगी : प्रहरीले बुझायो अनुसन्धान फाइल, १९ आरोपितमध्ये १८ फरार
मदनमणि तिमिल्सिना
पोखरा- गीतेन्द्र (जीबी) राईको समूहले खालेको पोखराको सूर्यदर्शन सहकारीको ठगीसम्बन्धी फाइल जिल्ला सरकारी वकिलको कार्यालय, कास्की सरकारी वकिलको कार्यालयमा पुगेको छ।
जिल्ला प्रहरी कार्यालय कास्कीले अनुसन्धान सकेर १ अर्ब ११ करोड १ लाख रुपैयाँ बिगो दाबीसहित मंगलबार सरकारी वकिलको कार्यालयमा फाइल बुझाएको हो।
सूर्यदर्शन सहकारीमा सर्वसाधरणको बचत रकम हिनामिना पारेको भन्दै पदाधिकारी तथा पूर्वसञ्चालकविरुद्ध १ हजार ३६ जनाले उजुरी दिएका छन्।
जिल्ला प्रहरी कार्यालय कास्कीले गत साउन ३२ गते सूचना जारी गरी भदौ १५ गतेसम्म पीडितहरुलाई जाहेरी दिन आग्रह गरेको थियो ।
बचतकर्ताको उजुरीको आधारमा प्रहरीले गत भदौ २४ गते जीबीसहित ७ जनालाई पक्राउ पुर्जी भएको २ दिनपछि सूर्यदर्शनका कोषाध्यक्ष कुमार रम्तेल पक्राउ परेका थिए।
रम्तेल पक्राउ परेको २५औं दिनमा प्रहरीले अनुसन्धान सकेर सरकारी वकिलको कार्यालयमा फाइल बुझाएको कास्की प्रहरी प्रवक्ता डिएसवी श्रवणकुमार विकले जानकारी दिए।
सरकारी वकिलको कार्यालयले कास्की जिल्ला अदालतमा मुद्दा दर्ता गराउनेछ।
सूर्यदर्शन सहकारीको ठगी प्रकरणमा प्रहरीले १९ जनालाई पक्राउ पुर्जी जारी गरेको छ। त्यसमा १८ जना अझै फरार छन्।
सहकारीका पूर्व अध्यक्ष जीबी राई, उनकै दाइ भूपेन्द्र, कोषाध्यक्ष कुमार रम्तेल, अहिलेका अध्यक्ष तथा व्यवस्थापकसमेत रहेका थानबहादुर बुढालाई प्रहरीले पक्राउ पुर्जी जारी गरे पनि उनीहरु अहिले फरारको सूचीमा छन्।
यसैगरी पक्राउ पुर्जी जारी भएका वर्तमान तथा पूर्व सञ्चालक शिवबहादुर (महेन्द्र भोटे), कैलाश दर्लामी, धीरजकुमार दास, हेमन्त अधिकारी, प्रमोद भट्टराई, मनोज नकर्मी, सुरज श्रेष्ठ, भविश्वेर अर्याल, आइस्मा गुरुङ, कविता तामाङ, सागर केसी, दिनेश रोका, ललिता तामाङ फरार छन्।
ग्याङस्टरबाट पर्यटन व्यवसायी भएका भोटे नेकपा एमालेमा प्रवेश गरेपछि हाल राष्ट्रिय युवा संघ नेपालका केन्द्रीय उपमहासचिव हुन्।
लेखा अधिकृत सृष्टि मानन्धर, कर्जा अधिकृत बुद्धि गुरुङविरुद्ध पनि सहकारीको रकम अपचलन गरेको आरोपमा पक्राउ पुर्जी जारी भए पनि प्रहरीले फरार भएको जनाएको छ।
यीमध्ये महेन्द्र भोटे र आइस्मा तामाङ मादी–६ भाचोककै हुन् भने ललिता तामाङ र सुरज श्रेष्ठ लेखनाथ, बुद्धि गुरूङ मादी–९ मिजुरेडाँडाका हुन्। बाँकी सबै कास्की बाहिरका रहेको प्रहरीले जनाएको छ।
सुरुमा सहकारीको व्यवस्थापक भएका थानबहादुर पछिल्लो कार्यकालमा अध्यक्ष बनेका थिए।
सहकारीको संकट बाहिर नजओस् भन्नका लागि पनि थानबहादुरले नै अध्यक्ष र व्यवस्थापकको काम गर्दै आएका थिए।
पोखरामा गुन्डागर्दी पृष्ठभूमिबाट राजनीतिमा प्रवेश गरेका भोटे पछिल्लो समय सूर्यदर्शन बचत तथा ऋण सहकारी संस्था धराशायी भई निक्षेपकर्ता ठगिएपछि सोही प्रकरणमा मुछिएका छन्।
ग्याङस्टरबाट पर्यटन व्यवसायी भएका भोटे नेकपा एमालेमा प्रवेश गरेपछि हाल राष्ट्रिय युवा संघ नेपालका केन्द्रीय उपमहासचिव हुन्।
त्यस्तै, गत स्थानीय निर्वाचनमा उनी कास्कीको मादी गाउँपालिकाको अध्यक्षका लागि चुनाव लडेका थिए। यद्यपि, भोटे नेपाली कांग्रेसका देवीजंग गुरुङसँग पराजित भए। उनको स्थायी ठेगाना सोही गापाको वडा १० हो।
यस विषयमा कास्की प्रहरी खुल्न चाहँदैन। तर भोटेलाई पक्राउ गर्न पुर्जी जारी भइसकेको र सूर्यदर्शन सहकारीसँग सम्बन्धित अन्य जिल्लाको प्रहरीसँग समन्वय गरिएको प्रहरीको भनाइ छ।
आइतबार भोटेविरुद्ध पक्राउ पुर्जी जारी गरिएको हो। त्यसको सुइँको पाएपछि भोटे सम्पर्कवीहिन छन्। पोखरामा जारी एमालेको प्रथम गण्डकी अधिवेशनमा उनी देखिएका छैनन्।
सूर्यदर्शन सहकारीबाट डेढ अर्ब हिनामिनाको आरोपमा १९ जनाविरुद्ध मुद्दा दायर गर्ने तयारी
सूर्यदर्शन सहकारीबाट डेढ अर्ब हिनामिनाको आरोपमा १९ जनाविरुद्ध मुद्दा दायर गर्ने तयारी
जिबी राईको अर्को सहकारी ठगी प्रकरण, पर्सा जिल्ला अदालतबाट पक्राउ पूर्जी
विदेशी खेलाडी ल्याउँदा भिसा, कर र भुक्तानी जटिलताले फ्रेन्चाइजलाई चुनौती
तीन महिनामा १६ अर्ब बढीको बिजुली भारत र बंगलादेश निर्यात
नीतिगत दरले बैंकको ब्याजदेखि बजारसम्म कसरी असर गर्छ?
मुद्रास्फीतिको दबाबले सर्वसाधारणको जीवनमा कस्तो असर पर्छ?
३ हजारको सामान किनेकी सन्तमायाले जितिन् १० लाख, १ लाख जित्ने १६ जना को? [सूची]
जहाँ संकट, त्यहाँ अम्बिका
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
